Mathaayo 4:23 - ÎVUKU RÎA ÛVORO MWARO

²³ Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Mathaayo 4:23 Iomraidhean Croise

Thaburi 103:3

Nîke ûndekagîra mevia monthe, na akamvonia mîrimû yakwa yonthe.

Thaburi 74:8

Meeîraga na ngoro atîrî, “Nîtûmathiria viû”; nîmaavîvirie kûndû kuonthe vûrûrirî kûrîa kwarî kûtheru.

Mathaayo 11:5

Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Mathaayo 12:9

Vuva wa ûguo Jesû nîwathiîre na agîtonya îvoerorî,

Mathaayo 13:19

Andû arîa megucaga ndûmîrîri îgiî Ûthamaki nwatî makarega gûtaûkîrwa, mekariî ta mbeû irîa ciagwîre gacîrarî. Ûrîa Mûcûku nîaûkaga na akamacuna kîrîa kîravandîtwe ngororî ciao.

Mathaayo 13:54

na agîcoka îtûûrarî rîa kwao. Nake nîwathomithanirie arî îvoerorî. Nao andû arîa maamwîgwire nîmaamakire mûno na makîûria atîrî, “Mûndû ûyû arutîte ûûgî ta ûyû kû, wana vinya wa kûringa ciama?

Mathaayo 14:14

Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.

Mathaayo 24:14

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 9:35

Nake Jesû nîwathiîre matûûrarî monthe na icagirî cionthe. Ke nîwathomithagia arî mavoerorî, akîvunjagia Ûvoro Mwaro wîgiî Ûthamaki wa Ngai, na akîvonia andû arîa maarî na mîrimû na wonje wa mîthemba yonthe.

Maariko 1:14

Rîrîa Johana aavingîrwe njeera, Jesû nîwathiîre Galili akîvunjagia Ûvoro Mwaro wa Ngai,

Maariko 1:21

Jesû na arutwa ake nîmaathiîre îtûûrarî rîa Kaperinaumu. Na mûthenya wa thavatû wakinya nîwatonyire îvoerorî na akîambîrîria kûthomithia andû.

Maariko 1:39

Nake Jesû nîwathiîre Galili kuonthe akîvunjagîria andû mavoerorî na akîrutûrûraga ndaimono kuuma kûrî andû.

Maariko 3:10

Nake nîwavonetie andû eengî, na nîkîo arwaru onthe maavatîkanaga makîenda kûmûvutia.

Maariko 6:2

Mûthenya wa thavatû wakinya, nîwambîrîrie kûthomithania arî îvoerorî. Nao andû eengî arîa maamwîgwire nîmaamakire mûno, na makîûrania atîrî “Mûndû ûyû aarutire maûndû mau monthe kû? Kaî mûndû ûyû avetwe ûûgî wa mûthemba ûrîkû? Avotaga kûringa ciama atîa?

Maariko 6:6

Nake nîwamakire mûno nîûndû andû matiarî na wîtîkio. Nake nîwathiîre icagirî irîa ciarî vakuvî na Nazarethi akîthomithagia andû.

Luka 10:9

Vonagiani arwaru arîa makethagîrwa marî kuo, na mwîrage andû akuo atî, ‘Ûthamaki wa Ngai ûrî vakuvî mûno namue.’

Luka 13:10

Jesû nîwathomithagia andû îvoerorî mûthenya wa thavatû.

Luka 16:16

“Maûndû marîa mandîkîtwe Wathorî wa Musa na mavukurî ma arathi nîmaavunjirue nginya vîndî ya Johana Mûvatithania. Kuuma vîndî îo, Ûvoro Mwaro wa Ûthamaki wa Ngai nî ûvunjagua, na mûndû wa wonthe nî ageragia na vinya ûrîa angîtonya kuo.

Luka 20:1

Mûthenya ûmwe rîrîa Jesû aarî hekarûrî akîthomithia andû na akîvunjia Ûvoro Mwaro, anene a athînjîri-Ngai na arimû a Watho wa vamwe na athuuri nîmaathiîre kûrî ke,

Luka 4:14

Jesû nîwacokire vûrûrirî wa Galili arî na vinya wa Roho Mûtheru. Nayo ngumo yake nîyatambire vûrûrirî wonthe.

Luka 5:17

Mûthenya ûmwe rîrîa Jesû aathomithanagia, Afarisai amwe wana arimû a Watho arîa maaumîte matûûrarî monthe ma Galili, Judea na Jerusalemu, nîmeekarîte vakuvî na varîa Jesû aarî. Nake Jesû aarî mûve vinya wa kûvonia andû nî Mwathani.

Luka 6:17

Vîndî îrîa Jesû aanyûrûrûkire aumîte kîrîmarî arî vamwe na atûmwa ake, nîwarûngamire vandû varaganu arî vamwe na gîkundi kînene mûno Kîam arutwa ake. Nao andû eengî mûno arîa maaumîte matûûrarî ma Judea, Jerusalemu na nginya matûûrarî ma Turo na Sidoni marîa maarî ndeererî cia îria, nîmaathiîre kûrî Jesû nîguo mamûthikîrîrie na mavonue mîrimû yao.

Luka 6:6

Mûthenya wîngî wa thavatû, Jesû nîwatonyire îvoerorî na akîthomithîria andû kuo. Nakuo kûu îvoerorî kwarî na mûndû warî na njara yake ya ûrîo yonjete.

Luka 7:21

Îvinda wa rîu Jesû nîwavonirie andû eengî arîa maarî na mîrimû, akîrutûrûra maroho macûku kuuma kûrî andû arîa maarî namo, na akîvotithia atumumu eengî kwona.

Luka 7:22

Nake Jesû nîwacokire akîîra anjaama acio atîrî, “Cokani mûkeere Johana maûndû marîa mweyonera na mweîguîra: atî atumumu nîmarona, ithua nîirathiî, andû arîa arwaru mûrimû wa mangû nîmaratherua, itegua nîiregua, akuû nîmarariûkua, na athîni nîmaravunjîrua Ûvoro Mwaro.

Luka 8:1

Vuva wa ûguo, Jesû nîwavîtûkîrîre matûûrarî na icagirî, akîvunjagia Ûvoro Mwaro wîgiî Ûthamaki wa Ngai. Nao arutwa ake îkûmi na aîrî

Luka 9:11

Rîrîa andû maamenyire kûrîa Jesû aarî, nîmaamûrûmîrîrie. Nao andû acio makinya varîa Jesû aarî nîwamagwatire ûgeni na akîambîrîria kûmathomithia ûvoro wîgiî ûthamaki wa Ngai na agîcoka akîvonia arwaru eengî.

Luka 9:60

Nake Jesû nîwamwîrire atîrî, “Tiga akuû mathike akuû ao. Thiî ûkanîrîre ndûmîrîri ya Ûthamaki wa Ngai.”

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 6:59

Jesû aaugire maûndû mama rîrîa aathomithanagia îvoerorî rîrîa rîarî Kaperinaumu.

Johana 7:1

Vuva wa ûguo, Jesû nîwathiîre Galili. Ke ndeendaga kûthiî Judea nîûndû Ayahudi arîa maarî kuo nîmeendaga kûmûraga.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 18:4

Na wa mûthenya wa thavatû arî îvoerorî, Paûlo nîwaranagîria na Ayahudi na Angiriki akîgeria kûmeguithia matuîke etîkia.

Ciîko 20:25

“Na rîu nie nîmbîcî atî mue muonthe arîa mvunjîrîtie ûvoro wîgiî Ûthamaki wa Ngai mûtigaacoka kûmona rîngî.

Ciîko 28:31

Nîwavunjirie ûvoro wîgiî Ûthamaki wa Ngai na akîthomithania ûvoro wîgiî Mwathani Jesû Kristû. Eekire ûguo arî na ûmîrîru mwîngî mûno na gûtarî na mûndû ûkûmûgiria.

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”