Mathaayo 3:5 - ÎVUKU RÎA ÛVORO MWARO

⁵ Nao andû nîmaathiîre kûrî ke maumîte îtûûrarî rîa Jerusalemu vûrûrirî wa Judea kuonthe na kuuma vûrûri wonthe ûrîa ûrî vakuvî na rûnjî rwa Jorodani.

Mathaayo 3:5 Iomraidhean Croise

Mathaayo 2:1

Jesû aaciarîrwe îtûûrarî rîa Bethilehemu, vûrûrirî wa Judea vîndî îrîa Herode aathanaga kuo. Na vîndî îrîa aaciarirwe andû arîa maarî na ûgî wa njata, arîa maaumîte mwena wa îrathîro nîmaakinyire Jerusalemu

Mathaayo 4:25

Nao andû eengî mûno a kuuma Galili, Dekapoli, Jerusalemu, Judea na mûringo ûcio wîngî wa rûnjî rwa Jorodani, nîmaamûrûmîrîre.

Maariko 1:5

Nao andû eengî arîa maaumîte vûrûrirî wa Judea na îtûûrarî rîa Jerusalemu nîmaathiîre kûrî Johana nîguo mamûthikîrîrie. Nao nîmaaumbûrire mevia mao na makîvatithua nîke rûnjîrî rwa Jorodani.

Luka 16:16

“Maûndû marîa mandîkîtwe Wathorî wa Musa na mavukurî ma arathi nîmaavunjirue nginya vîndî ya Johana Mûvatithania. Kuuma vîndî îo, Ûvoro Mwaro wa Ûthamaki wa Ngai nî ûvunjagua, na mûndû wa wonthe nî ageragia na vinya ûrîa angîtonya kuo.

Luka 3:3

Kwoguo Johana nîwathiîre akîvunjagia vûrûrirî wonthe ûrîa wakuvîvîrîtie rûnjî rwa Jorodani akiugaga atîrî, “Îîrireni mûcoke mûvatithue, nake Ngai nîakûmwovera mevia menyu.”

Luka 3:7

Andû eengî nîmaathiîre kûrî Johana nîguo amavatithie. Nake nîwameraga atîrî, “Mue ciana ino cia njoka! Nû ûmwîrîte atî nwa mûvote kûûrîra marakara ma Ngai marîa mageere gûka?

Johana 3:23

Johana wa nake nîwavatithanagia arî Aenoni vakuvî na Salimu, nîûndû kûu kwarî na manjî meengî. Na andû nîmaathiîcaga kûrî Johana nake akamavatithia.

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.