Mathaayo 22:9 - ÎVUKU RÎA ÛVORO MWARO

⁹ Kwoguo thiîni na kûu njîrarî na mwîte andû onthe arîa mûkoona maûke îrugarî.’

Mathaayo 22:9 Iomraidhean Croise

Ezek 21:21

Nîûndû mûthamaki wa Babuloni akaarûngama varîa njîra itigithanîrîte, Kîammbîrîriarî Kîam njîra icio cioîrî nîguo aragûrie. Nîakainainia mîguî yake, na aûrie kuuma kûrî mîvuanano, na arorie nyama ya îtema.

Obadia 1:14

Mûtiagîrîrwe nî kûrûngama makathîkanorî ma njîra, na kûnyita andû ao arîa maûraga; mûtiagîrîrwe nî kûnenganîra andû arîa mataûragwa kûrî nthû ciao, mûthenya ûcio warî wa kîeva.

Mathaayo 20:7

Nao nîmaamûcokerie atîrî, ‘Gûtirî mûndû ûtûveere wîra.’ Nake nîwamerire atîrî, ‘Wa namue thiîni mûkarute wîra mûgûndarî wakwa.’

Mathaayo 22:10

Nacio ndungata icio nîciathiîre nakûu njîrarî na ikîûngania andû arîa onthe ciethagîrîria; andû ega na acûku nîguo maûke îrugarî. Nayo nyomba ya îruga nîyecûrire andû.

Mathaayo 22:8

Nîwacokire akîra ngombo ciake atîrî, ‘Îruga rîakwa rîa ûviki nîrîvarîrie, nwatî andû arîa nie nîretîte tî agîrîru.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Ciîko 13:47

Nîûndû ûguo nîguo Mwathani aatwathire twîkage vîndî îrîa ke aaugire atîrî: ‘Nie nînagûtua ûtheri kûrî andû a ndûrîrî, nîguo wonie andû onthe a gûkû nthî ûrîa makûvonoka.’ ”

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.