Mathaayo 21:12 - ÎVUKU RÎA ÛVORO MWARO

¹² Nake Jesû nîwatonyire hekarûrî na akîrutûrûra arîa onthe meendagia wa vamwe na arîa onthe maagûraga. Ke nîwang'aûranirie metha cia arîa maakûrananagia mbeca, na itî cia arîa meendagia ndutuura.

Mathaayo 21:12 Iomraidhean Croise

Alawi 1:14

“Ethîrwa mûndû nîaruta iconi rîrî îtega rîa kûvîvua kûrî Ngai-Mûnene, nîakaaruta ndutuura îtarî ngûrû kana îcîa rîtarî rîkûrû.

Alawi 5:7

Nwatî ethîrwa mûndû ndangîona ng'ondu kana mbûri, nîakaarutîra Ngai-Mûnene ndutuura igîrî kana macîa maîrî, îmwe îrî îtega rîa kûtheria wîvia, nayo îo îngî îrî îtega rîa kûvîvua.

Luka 2:24

Wana rîngî maathiîte kuo nîguo makarutîre Ngai îgongoona, wata ûrîa Watho wa Mwathani wathanîte atî mûndû nwa arute îgongoona rîa macîa maîrî kana rîa ndutuura igîrî.

Alawi 12:8

“Ethîrwa mûndûmûka ndangîona ng'ondu, nîakaanenganîra ndutuura igîrî kana macîa maîrî. Îmwe ya îtega rîa kûvîvua nayo îo îngî ya îtega rîa kûtheria wîvia. Mûthînjîri-Ngai nîakaarûthîra mûndûmûka ûcio mambura ma kûmûtheria na nîakaathera.”

Alawi 14:22

Wana nîakaaruta ndutuura igîrî kana macîa maîrî; wa kîrîa akaavota. Gîconi kîmwe gîkethîrwa kîrî Kîam îtega rîa kûtheria mevia nakîo kîu kîngî kîrî Kîam îtega rîa kûvîvua.

Ntha 30:13

Mûndû wa wonthe ûgaatarwa nwanginya akaarîva mwîgana wa mbeca irîa ikendekana ithimîtwe na kîthimi kîrîa kîtheru gîtîkanîrie. Mûndû wonthe nwanginya akaarîva îrîvi rîu rîrî îtega kûrî nie, Ngai-Mûnene.

Maariko 11:11

Jesû nîwakinyire Jerusalemu na agîtonya hekarûrî. Na rîrîa aaroririe kûu hekarûrî kuonthe, nîwaumire kuo, na akîthiî Bethania marî na arutwa ake îkûmi na aîrî nîûndû kwarî gûtuku.

Alawi 14:30

Mûndû ûcio nî agaacoka arute ndutuura îmwe kana îcîa rîmwe, wa kîrîa angîona

Alawi 12:6

“Mîthenya ya kwîtheria yathira kuuma arîkia gûciara kaana ga kavîcî kana ga kamwîrîtu, mûndûmûka ûcio nîakaaruta ng'ondu ya ûkûrû wa mwaka ûmwe îrî ya îtega rîa kûvîvua vamwe na îcîa kana ndutuura îrî ya îtega rîa kûtheria wîvia. Akaavirîra mûthînjîri-Ngai vau mûromorî wa îgema rîa Ngai-Mûnene.

Alawi 15:29

Mûthenya wa kanana mûndûmûka ûcio nîagooca ndutuura igîrî kana macîa maîrî na avirîre mûthînjîri-Ngai vau mûromorî wa îgema rîa Ngai-Mûnene.

Alawi 15:14

Mûthenya wa kanana mûndûmûrûme ûcio nîagooca ndutuura igîrî kana macîa maîrî na athiî nacio mûromorî wa îgema rîa Ngai-Mûnene na ainenganîre kûrî mûthînjîri-Ngai.

Alawi 5:11

Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Johana 2:13

Vîndî ya kîrugo Kîam pasaka ya Ayahudi yarî vakuvî. Kwoguo Jesû nîwaunûkirie nginya Jerusalemu.