Mathaayo 2:9 - ÎVUKU RÎA ÛVORO MWARO

⁹ Na marîkia kûthikîrîria mûthamaki andû acio aûgî a njata nîmaathiîre, na marî njîrarî nîmoonire njata îrîa moonete yumîte mwena wa îrathîro îmatongoreretie. Nayo nîyathiîre na îkîrûgama îgûrû rîa nyomba îrîa mwana ûcio aarî.

Mathaayo 2:9 Iomraidhean Croise

Thaburi 25:12

Andû arîa matîîaga Ngai-Mûnene, nîmakaathomithua nîke njîra îrîa magîrîrwe nî kûrûmîrîra.

Nthi 8:17

Nîmendete arîa mamendete, na arîa manjaragia na kinyi nîmamonaga.

Mathaayo 2:10

Rîrîa moonire njata îo nîmaakenire mûno.

Mathaayo 2:2

na makîûria andû atîrî, “Mwana ûrîa ûciarîtwe nîguo agaatuîka mûthamaki wa Ayahudi arî kû? Tue nîtûmenyithirue ûvoro wa gûciarwa gwake nî njata yumîte mwena wa îrathîro, na rîu twaûka kûmûgooca.”

Mathaayo 2:8

Na vuva wa ûguo Herode nîwamerire atîrî: “Thiîni Bethilehemu mûgacarie na vinya mûno varîa kaana kau karî, na mwakona, mûke mûmenyithie nîguo wa nanie nthiî ngakagooce.”

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.