Mathaayo 2:2 - ÎVUKU RÎA ÛVORO MWARO

² na makîûria andû atîrî, “Mwana ûrîa ûciarîtwe nîguo agaatuîka mûthamaki wa Ayahudi arî kû? Tue nîtûmenyithirue ûvoro wa gûciarwa gwake nî njata yumîte mwena wa îrathîro, na rîu twaûka kûmûgooca.”

Mathaayo 2:2 Iomraidhean Croise

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 45:11

na mûthamaki nîakûgucîrîrua nî ûthaka waku; nîke mwathi waku, kwoguo nwanginya ûmwathîkagîre.

Isaia 60:3

Ndûrîrî nîigaaûka ûtherirî waku, nao athamaki maûke ûkengurî waku.

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Jeremia 30:9

Nwatî nîmakaandungatîra nie Ngai-Mûnene Ngai wao, na matungatîre ûmwe wa njiarwa cia mûthamaki Daudi, ûrîa ngamathuurîra atuîke mûthamaki.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Ndari 24:17

Nînîrona ûrîa ûgaaûka vuvarî, nînîramwona nwatî ndarî vakuvî. Nîakaaumîra ta njata kûrî njiarwa cia Jakovu, gatagatîrî ka andû a Isiraeli nîgûkaauma Mûthamaki. Nîakaathiria atongoria a Moabu, na acûkangie njiarwa cionthe cia Sethi.

Mathaayo 2:3

Na rîrîa Mûthamaki Herode eegwire ûvoro ûcio nîwatangîkire mûno ngororî yake, vamwe na andû onthe arîa maarî Jerusalemu.

Mathaayo 21:5

‘Îrani îtûûra rîa Jerusalemu atî, taroriani, Mûthamaki wenyu nî araûka kûrî mue, ke nîmûvoreri na akuuîtwe nî mvunda, na nî njaû ya mvunda!’ ”

Mathaayo 27:11

Jesû nîwarûngamire mbere ya mûnene wa thirikari ya Roma. Mûnene ûcio nîwamûririe atîrî, “We nîwe mûthamaki wa Ayahudi?” Nake Jesû nîwamûcokerie atîrî, “We nîwe wauga guo.”

Luka 19:38

Nao nîmaagoocaga Ngai makiugaga atîrî, “Kûrathimwa nî mûthamaki ûrîa ûkîte na rîîtwa rîa Mwathani! Thayû ûrogîa îgûrû nake Ngai akumue!”

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Luka 23:3

Nake Pilato nîwamûûririe atîrî, “We nîwe mûthamaki wa Ayahudi?” Nake Jesû nîwamûcokerie atîrî, “We nîwe wauga guo.”

Luka 23:38

Na vau mûtharavarî îgûrû rîa kîongo Kîam Jesû, vaarî na kîmenyithia Kîamndîkîtwe atîrî: “Ûyû nîke mûthamaki wa Ayahudi!”

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 12:13

Kwoguo nîmoocire mathîgî ma mîkîndû na makîthiî kûmûtûnga makîanagîrîra atîrî, “Hosana! Kûrathimwa nî ûrîa ûkîte na rîîtwa rîa Mwathani! Kûrathimwa nî Mûthamaki wa Isiraeli!”

Johana 18:37

Pilato nîwamûririe atîrî, “Anga we ûrî mûthamaki?” Nake Jesû nîwamûcokerie atîrî, “We nîwe wauga atî nie nîrî mûthamaki. Nie naaciarirwe na ngîûka gûkû nthî nîûndû wa gîtûmi gîkî kîmwe, kwaria ûvoro wa ma. Na mûndû wa wonthe wîthagîrwa akîaria ûma nîambathîkagîra.”

Johana 19:19

Pilato nîwandîkithirie kîmenyithia na akiuga gîcuurue mûtharavarî wa Jesû. Nakîo kîmenyithia kîu Kîamndîkîtwe atîrî, “Jesû wa Nazarethi, Mûthamaki wa Ayahudi.”

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.

Johana 9:38

Nake mûndû ûcio nîwaugire atîrî, “Mwathani, nie nîmbîtîkîtie.” Nake arîkia kuga ûguo nîwaturirie maru mbere ya Jesû.

Ahib 1:6

Nwatî rîrîa Ngai aarî vakuvî kûrete Mûriû wake wa îrikithathi gûkû nthî nîwaugire atîrî, “Araika onthe a Ngai nwanginya mamûgooce.”

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”