Mathaayo 2:11 - ÎVUKU RÎA ÛVORO MWARO

¹¹ Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.

Mathaayo 2:11 Iomraidhean Croise

Kîam 43:11

Nake îthe nîwamerire atîrî, “Ethîrwa nwanginya mwîke ûguo, nîmwoca indo imwe cia irîa mbaro cia vûrûri ûyû mwîkîre nguniarî cienyu na mûvirîre mûndû ûcio irî kîveo. Nacio nî mînyamû mînungi waro, maguta ma kwîvaka, ûûkî mûnini, matunda ma mûthemba wa ngandamia, na maguta kuuma kûrî mûtî wa mare.

1Atha 10:10

Mûndûmûka ûcio mûthamaki wa Sheba nîwacokire akîva mûthamaki Solomoni iveo irîa aamûvirîrîte: Nîwamûvere makîria ya kilo ngiri inya (4,000) cia thaavu vamwe na mînyamû mîîngî mînungi waro, na mathiga ma goro. Mînyamû îo mînungi waro yarî mîîngî gûkîra îrîa Solomoni aarî anavewa mbererî.

1Atha 10:2

Aathiîre kûrî Solomoni kûu Jerusalemu marî na andû eengî mûno, ngamîîra ikuuîte mînyamû mînungi waro, tûthiga twa goro vamwe na thaavu nyîngî. Rîrîa mûndûmûka ûcio mûthamaki aakinyire kûrî Solomoni, nîwerire Solomoni maûndû monthe marîa aarî namo ngororî yake.

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Thaburi 45:8

Nguo ciaku irî na mûtararûko wa maguta na mînyamû mînungi waro, aini a nyîmbo magûkenagia marî nyombarî ya ûthamaki îgemetue na mîguongo.

Thaburi 72:10

Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.

Thaburi 72:15

Mûthamaki, ûrotûûratûûra! Arovewa thaavu kuuma Sheba; arovoyagîrwa nî andû vîndî cionthe; Ngai aromûrathimaga vîndî cionthe!

Thaburi 95:6

Ûkani tûmwînamîrîre na tûmûgooce, tûturie maru mbere ya Ngai-Mûnene, ûrîa watûmbire.

Ntha 30:23

“Oca mînyamû mînungi waro: kilo ithathatû cia manjî ma mûtî wa mare, kilo ithatû cia mûtî mûnungi waro wîtagwa cinamoni, kilo ithatû cia mûthanje mûnungi waro,

Ntha 30:34

Ngai-Mûnene nîwerire Musa atîrî, “Oca ithimo ciîganene cia mînyamû mînungi waro cia sitakiti, onîka na galibanumu na maguta manungi waro.

Rwîmbo rwa Nyîmbo 3:6

Nîndûî kîîrîa kîrauma werûrî gîkariî ta mûthiringo wa ndogo, kîrî na mûtî mûnungo wa mare na ûbani, na maguta marîa mendagua nî andû arîa mendagia makîgûraga indo.

Isaia 60:6

Ikundi cia ngamîîra nîigaakunîka vûrûri waku, njaû cia ngamîîra cia kuuma Midiani na Efa. Cionthe nîigaaûka kuuma Sheba ikûreterete thaavu na ûbani, na nîikaanîrîra ngumo ya Ngai-Mûnene!

Alawi 6:15

Mûthînjîri-Ngai ûcio nî agaakumbata ngundi ya mûtu ûrîa mwaro mûno, oce maguta na ûbani na aivîvîrie îgûrû rîa metha ya kîgongoona kîrî kîririkania, atî matega mau monthe marutîrîtwe Ngai-Mûnene. Mûtararûko wa îtega rîu nîûkenagia Ngai-Mûnene.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Ndari 7:14

Mbakûri îmwe ya thaavu yarî na ûrito wa ngiramu îgana rîa îkûmi (110 g), îcûrîte ûbani,

Ndari 7:86

Nacio thaani irîa îkûmi na igîrî cia thaavu ciîcûrîte ûbani wa îmwe yarî na ûrito wa ngiramu îgana rîa îkûmi (110 g) kûringana na kîthimi kîrîa gîtîkîrîku. Icio cionthe ciarî na ûrito wa kilo îmwe na ngiramu magana mathatû ma mîrongo îîrî (1.320 kg).

Mathaayo 1:18

Rûrû nîruo rûgano rwa ûrîa Jesû Kristû aaciarirwe. Mariamu ng'ina wa Jesû nîmaarîkanîrîte na Josefu atî nîmakûvikania. Nwatî mbere ya kûvikania, Mariamu nîwamenyire atî aarî na îvu riumanîte na vinya wa Roho Mûtheru.

Mathaayo 12:46

Kavinda wa kau Jesû wa akîaragîria andû, ng'ina na arîa maaciaranîrîtue nake nî maakinyire. Nao nîmaarûngamire vau nja makîenda kwaria nake. [

Mathaayo 14:33

Nao arutwa arîa maarî gatarûrî nîmaagoocire Jesû makiugaga atîrî, “Nî ma we ûrî Mûriû wa Ngai!”

Mathaayo 2:10

Rîrîa moonire njata îo nîmaakenire mûno.

Mathaayo 2:2

na makîûria andû atîrî, “Mwana ûrîa ûciarîtwe nîguo agaatuîka mûthamaki wa Ayahudi arî kû? Tue nîtûmenyithirue ûvoro wa gûciarwa gwake nî njata yumîte mwena wa îrathîro, na rîu twaûka kûmûgooca.”

Luka 2:16

Nao arîthi nîmaathiîre maviûvîte na makîthîrîria Mariamu, Josefu na makîona gakenge kamamîte mûvaratîrî.

Luka 2:38

Na îthaarî wa rîu, Ana nîwakinyire na agîcokeria Ngai ngatho. Ana nîwaririe ûvoro wîgiî mwana ûcio kûrî andû arîa maatûûrîte metererete Ngai akûre Jerusalemu.

Johana 19:39

Nake Nikodemu ûrîa vau mbererî wathiîte kûrî Jesû ûtukû, nîwathiîre marî na Josefu akuuîte kilo ta mîrongo îthatû cia maguta maanungaga waro na ndawa cia mûtî wa mare.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 5:8

Na vîndî îrîa Gatûrûme oocire îvuku rîu rîa gîkûnjo, ciûmbe inya irîa irî mwoyo nîciegwîthirie nthî vau mbere ya Gatûrûme. Wa kîûmbe Kîamrî na ngita na mbakûri ya thaavu îcûrîte ûbani, ûrîa aarî guo mavoya ma andû a Ngai. Wana nginya athuuri acio mîrongo îîrî na ana nîmeegwîthirie nthî vau mbere ya Gatûrûme na wa mûthuuri arî na ngita na mbakûri ya thaavu îcûrîte ûbani ûrîa arî guo mavoya ma andû a Ngai.

1Sam 10:27

Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.