Mathaayo 18:7 - ÎVUKU RÎA ÛVORO MWARO

⁷ Na kaî nthî îrî na thîna-î, nîûndû atî kûrî na maûndû matûmaga andû mevie. Maûndû ta mau magatuîkîkaga vingo cionthe, nwatî mûndû ûrîa ûtûmaga maûndû mau mekîke arî na thîna.

Mathaayo 18:7 Iomraidhean Croise

Kîam 13:7

Kwoguo nîkwagîre na ngucanio gatagatî ka arîthi a Aburamu na a Loti. Vîndî îo Akanaani na Aperizi nîo maatûûraga vûrûrirî ûcio.

2Sam 12:14

Nwatî na njîra ya gîîko kîu wîkîte, nîûnyararîte Ngai-Mûnene. Kwoguo kaana kau nwanginya gagaakua.”

Mathaayo 16:23

Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”

Mathaayo 26:24

Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”

Maariko 13:7

Na rîrîa mûkeegua mûrurumo wa mbaara vakuvî namue, kana ûvoro wa mbaara îrîa îgaaûka, mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî.

Luka 17:1

Jesû nîwerire arutwa ake atîrî, “Maûndû marîa matûmaga andû mevie, nwa nginya moneke. Nwatî kaî mûndû ûrîa ûtûmaga maûndû mau moneke arî na thîna-î!

Johana 17:12

Rîrîa naarî vamwe nao, nînaamamenyererete na vinya wa rîîtwa rîaku rîrîa wamvere. Nînaamagitîre na gûtirî mûndû wana ûmwe gatagatîrî kao waûrire tiga ûrîa warî wa kûûra nîguo mandîko matheru mavingue.

Ciîko 1:16

“Ariû na aarî a îthe wetû mue mwîtîkîtie Ngai, Mandîko marîa matheru nwanginya maarî mavingue marîa Roho Mûtheru aaririe na kanyua ka Daudi rîrîa aarathire ûvoro wîgiî Judasi. Judasi nîke watongoretie arîa maanyitire Jesû.

1Akor 11:19

(Gûtirî na nganja atî nwa nginya kûgîe na ngaûkano gatagatîrî kenyu nîguo mûndû avotage kwona cararûkû arîa evokeku gatagatîrî kenyu.)

1Tim 6:1

Ngombo cionthe nwanginya ivecage anene acio gîtîîo kîrîa kîmagîrîrîte nîguo gûtikagîe mûndû ûkwaria ûndû mûcûku wîgiî rîîtwa rîa Ngai na maûndû marîa tûthomithagia.

Tito 2:5

Nîmagîrîrwe nî kwînyitagia maûndûrî na kwîthagîrwa marî atheru, na marî aka aro a mûciî. Nîmagîrîrwe nî kwathîkîra arûme ao, nîguo arûme matikagîe na ûndû ûngîcambithia ndûmîrîri ya Ngai.

Tito 2:8

Aragia ûvoro wa ma ûrîa ûtangîrutwa mavîtia nîguo arîa mareganaga nawe maconokage nîûndû matirî na ûndû mangîtûthitanga naguo.

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.

1Sam 2:17

Kwoguo Ngai-Mûnene nîwonire atî, wîvia wa anake a Eli warî mûnene mûno, nîûndû matiavecaga iveo irîa ciarutagîrwa Ngai-Mûnene gîtîîo.