Mathaayo 16:8 - ÎVUKU RÎA ÛVORO MWARO

⁸ Nake Jesû nîwamenyire ûrîa maaugaga. Kwoguo nîwamaûririe atîrî, “Nîndûî kîratûma mwarîrîrie ûvoro wa ûrîa mûtarî na mîgate? Na kaî wîtîkio wenyu nî mûnini-î?

Mathaayo 16:8 Iomraidhean Croise

Mathaayo 14:31

Na wa rîmwe Jesû nîwatambûrûkirie njara akîmûnyita na akîmwîra atîrî, “Kaî wîtîkio waku nî mûnini-î! Nîkî gîtûmire ûgîe na nganja?”

Mathaayo 16:7

Nao arutwa nîmaarîrîrie ûvoro ûcio makiugaga atîrî, “Arauga ûguo nîûndû tûtinakua mîgate.”

Mathaayo 6:30

Ngai nîke ûmenyagîrîra nyaki ya kîthaka; îrîa îrî vo ûmûnthî na rûciû îgaikua riiko îkavîa. Nîkwa mûtarî na ûma atî Ngai nîakûmûva nguo? Na kaî mue mûrî na wîtîkio mûnini-î!

Mathaayo 8:26

Nake Jesû nîwamaûririe atîrî, “Mue mûretigîra nîkî? Na kaî mue mûrî na wîtîkio mûnini-î!” Nake Jesû nîwacokire akîrûngama na akîatha rûkûngi na îria ivoorere. Nacio nîciavorere mûno.

Maariko 16:14

Na mûthiiarî, Jesû nîwaumîrîre arutwa arîa îkûmi na ûmwe vîndî îrîa meekarîte metharî makîrîa irio. Nake nîwamatetirie mûno nîûndû wa gûtura wîtîkio, kûmia ngoro ciao na kûrega gwîtîkia arîa maamwonete ariûka.

Johana 16:30

Rîu nîtwamenya atî we nîwîcî maûndû monthe. We nîûvotaga gûcokeria mûndû kîûria wana mbere ya akûrie. Ûndû ûyû nîguo ûratûma twîtîkie atî we waumire kûrî Ngai.”

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.