Mathaayo 15:8 - ÎVUKU RÎA ÛVORO MWARO

⁸ Ngai augîte atîrî, ‘Andû aya mamvecaga gîtîîo na mîromo nwatî ngoro ciao irî kûraca nanie.

Mathaayo 15:8 Iomraidhean Croise

Nthi 23:26

Mwana wakwa, nthikîrîria, na ûrûmîrîre mîthiîre yakwa.

Isaia 29:13

Mwathani aaugire atîrî, “Andû aya mamvecaga gîtîîo na mîromo, nwatî ngoro ciao irî kûraca nanie, gîtîîo kîrîa mamvecaga nî Kîam mawatho marîa mathondeketwe nî andû, na makamathoma.

Jeremia 12:2

Nîwe wamavandire na makîgîa mîri, makûraga na makagîa na maciaro, maragia ûrîa ûrî mwaro, nwatî ngoro ciao ciîthagîrwa irî kûraca nawe.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Mathaayo 15:7

Mue mvinga ino! Na kaî mûrathi Isaia nîwamenyaga rîrîa aarathire ûvoro ûmwîgiî-î!

Maariko 7:6

Nake Jesû nîwamacokerie atîrî, “Na kaî Isaia nîwamenyaga rîrîa aarathire ûvoro ûmwîgiî-î! Mue mûrî mvinga. Wa ta ûrîa kwandîkîtwe atî: Ngai arauga atîrî, ‘Andû aya mamvecaga gîtîîo na mîromo, nwatî ngoro ciao irî kûraca mûno nanie.

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.

Ciîko 8:21

Na ma ûyû tîguo wîra waku, nîûndû ngoro yaku tî nûngarû methorî ma Ngai.

Ahib 3:12

Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.

1Pet 3:10

Mandîko Matheru maugîte atîrî: “Mûndû wa wonthe wendete mwoyo wake, na wendaga gûtûûra akenete, nwanginya atige kwaragia maûndû macûku, na atige kwaragia maveeni.