Mathaayo 13:57 - ÎVUKU RÎA ÛVORO MWARO

⁵⁷ Kwoguo nîmaamûregire. Nake Jesû nîwamerire atîrî, “Mûrathi nîavecagwa gîtîîo kûndû kuonthe tiga îtûûrarî rîa kwao, na kûrî andû a mûciî wake!”

Mathaayo 13:57 Iomraidhean Croise

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Isaia 8:14

Nie ngaatuîka kûndû gwa kûrîra, ngatuîka ta îthiga rîa kûmavînga, îthiga rîa kûvînga mothamaki ma Juda na Isiraeli; na nduîke mûtego wa kûnyita andû a Jerusalemu.

Mathaayo 11:6

Kûrathimwa nî andû arîa matagîcaga na nganja nîûndû wakwa!”

Mathaayo 13:58

Jesû ndaaringa ciama nyîngî kûu nîûndû andû matiarî na wîtîkio.

Maariko 6:1

Jesû nîwaumire kûu na agîcoka îtûûrarî rîa kwao rîa Nazarethi aumîtwe vuva nî arutwa ake.

Maariko 6:14

Mûthamaki Herode nîwegwire maûndû mau monthe nîûndû ngumo ya Jesû nîyatambîte kûndû kuonthe. Andû amwe maaugaga atîrî, “Nî Johana Mûvatithania ûriûkîte na nîkîo arî na ûvoti mwîngî ûguo wa kûringa ciama.”

Maariko 6:3

Na kinthî ûyû tî mûvundi ûrîa wa mbaû, mûvîcî wa Mariamu, na nwake mûrwang'ina na Jakuvu, Josefu, Judasi na Simoni? Na kinthî wana aa mwarwang'ina matitûûraga gûkû vamwe natue.” Na kwoguo nîmaamûregire.

Maariko 6:4

Nake Jesû nîwamerire atîrî, “Mûrathi nîavecagwa gîtîîo kûndû kuonthe tiga îtûûrarî rîa gwake; kûrî andû ao, na kûrî andû a mûciî wake.”

Luka 4:24

Na ma nîramwîra atîrî, ‘Mûrathi ndetîkîrîkaga kwao.’ ”

Luka 7:23

Mûndû ûrîa mûrathime nî ûrîa ûtethagîrwa arî na nganja maûndûrî monthe marîa mambîgiî!”

Johana 4:44

Nîûndû ke mwene nîwaugîte atîrî, “Mûrathi ndavecagwa gîtîîo vûrûrirî wake.”

Johana 6:42

Nao nîmaaugaga atîrî, “Na ma ûyû nî Jesû mûvîcî wa Josefu. Tue nîtwîcî îthe wana ng'ina. Rîu ke arauga aumîte îgûrû nîkî?”

Johana 6:61

Wana atarî mwîre nî mûndû Jesû nîwaicî atî arûmîrîri ake nîmaanugunaga. Kwoguo nîwamaûririe atîrî, “Maûndû mama nîmo maratûma mwende gûtiganîria wîtîkio wenyu?