Mathaayo 13:54 - ÎVUKU RÎA ÛVORO MWARO

⁵⁴ na agîcoka îtûûrarî rîa kwao. Nake nîwathomithanirie arî îvoerorî. Nao andû arîa maamwîgwire nîmaamakire mûno na makîûria atîrî, “Mûndû ûyû arutîte ûûgî ta ûyû kû, wana vinya wa kûringa ciama?

Mathaayo 13:54 Iomraidhean Croise

Thaburi 22:22

Nî ngeera andû etû maûndû marîa wîkîte, nîngaagûkumia nîrî hekarûrî kîgomanorî Kîamo.

Mathaayo 2:23

Nake Josefu nîwathaamîre îtûûrarî rîa Nazarethi na agîtûûra kuo. Namo maûndû nîmaavingire marîa arathi maaugîte atî: “Ke nîageetwa Mûnazari.”

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Mathaayo 7:28

Rîrîa Jesû aarîkirie kuga maûndû mau, andû eengî nîmaamakirue nî mûthomithanîrie wake.

Luka 2:47

Nao andû onthe arîa meegwire ciugo ciake nîmaamakire mûno nîûndû wa ûrîa aacokagia ciûria arî na ûûgî mwîngî.

Johana 1:11

Kiugo aathiîre vûrûrirî wake mwene na andû ake mwene matiamûnyita ûgeni.

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 4:13

Nao athuuri a Kîamma nîmaamakire moona ûrîa Petero na Johana maaûmîrîrîtie. Nîmaamenyire atî o maarî andû mataarî ngûrani na andû arîa engî na matiarî athomu. Kwoguo nîmaamenyire atî Petero na Johana nîmaatûûranîtie na Jesû.

1Sam 10:11

Nao andû onthe arîa maamwicî mbere mona agîka ûguo nîmaambîrîrie kûrania wa mûndû na ûrîa wîngî atîrî, “Nîkwa mûriû wa Kishu ekara atîa? Nîkwa Saûlo wanake arî ûmwe wa arathi?”