Mathaayo 10:30 - ÎVUKU RÎA ÛVORO MWARO

³⁰ Wana nginya njuîrî cionthe cia ciongo cienyu nî ndare.

Mathaayo 10:30 Iomraidhean Croise

2Sam 14:11

Nake mûndûmûka ûcio nîwaugire atîrî, “Mwathi wakwa nakûthaitha wîvîte na Ngai-Mûnene, Ngai waku, atî mûndû wa mûciî wetû ûcio ûrenda kûrîvîrîria gîkuû Kîam mûvîcîwa na njîra ya kûûraga mûvîcîwa ûcio wîngî ndagwîka guo.” Nake Daudi nîwacokirie atîrî, “Nevîta na Ngai-Mûnene ûrîa ûtûûraga mwoyo, atî mûvîcîguo tîona ûûru wanarî vanini.”

1Atha 1:52

Nake Solomoni nîwaugire atîrî, “Ethîrwa nîakwonania arî mûndû mwathîki, gûtirî rûcuîrî wanarî rûmwe rwa kîongo gîake rûkaavutua. Nwatî ethîrwa tî mwathîki nîagaakua.”

Luka 12:7

Wana nginya njuîrî cionthe cia kîongo kîenyu nî ndare. Kwoguo tigagani gwîtigîra nîûndû mue mûrî a vata mûno gûkîra tûconi twîngî.

Luka 21:18

Nwatî gûtirî rûcuîrî wana rûmwe rwa ciongo cienyu rûkaaûra.

Ciîko 27:34

Rîu mwenda tu îtîkîrani kûrîa irio. Mwona mwarîa, mîîrî yenyu nîkûgîa na vinya. Gûtirî mûndû wana ûmwe wa cienyu ûkaûrwa nî rûcuîrî wana rûmwe rwa kîongo gîake.”

1Sam 14:45

Nao andû nîmeerire Saûlo atîrî, “Kûngîvoteka atîa Jonathani akue na arutîte wîra mûnene ûguo wa gûtûma andû a Isiraeli mavootane? Naarî! Tue nîtwevîta na Ngai-Mûnene ûrîa ûtûûraga mwoyo atî, gûtirî wanarî rûcuîrî rûmwe rûkauma kîongorî gîake. Ûrîa ekire ûmûnthî wîkîkire na ûtethio wa Ngai.” Kwoguo andû nîmaavonokirie Jonathani kuuma gîkuûrî.