Mathaayo 10:16 - ÎVUKU RÎA ÛVORO MWARO

¹⁶ “Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 10:16 Iomraidhean Croise

Kîam 3:1

Njoka yarî na wara gûkîra nyamû irîa ciîngî cionthe cia kîthaka irîa Ngai-Mûnene, Ngai aaûmbîte. Njoka nîyaûririe Mûndûmûka atîrî, “Nîkwa Ngai aamwîrire mûtikaarîe matunda ma mûtî wana ûrîkû mûgûndarî ûyû?”

Kîam 3:13

Ngai-Mûnene, Ngai nîwaûririe mûndûmûka ûcio atîrî, “Wîkire ûguo nîkî?” Nake Mûndûmûka nîwamûcokerie atîrî, “Nî njoka îmvenererie narîrîa.”

Nehemia 4:13

Kwoguo vuva wa rûthingo mîanyarî kûrîa rûtaarî rûriku, nînaigire andû kûringana na nyomba ciao. Andû acio nînaamavere mviû, matumû na moota.

Jeremia 40:16

Nwatî Gedalia mûvîcî wa Ahikamu nîwerire Johanani mûvîcî wa Karea atîrî, “Ndûgeke ûndû ûcio! Maûndû mau ûraria megiî Ishumaeli tî ma ma!”

Hosea 7:11

Efiraimu nî ta ndutuura nditu, nî kîrimû gîteciragia. Mavinda mamwe arî Misiri na mavinda meengî arî Sîria kûvoya ûtethio.

Mathaayo 24:25

Tathikîrîriani! Nie namwîra maûndû mama mbere ya mekîke.

Mathaayo 24:45

“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru.

Mathaayo 25:2

Atano marî aûgî na atano marî aritu.

Mathaayo 25:4

Nwatî erîtu arîa maarî aûgî maakuire taa ciao, na magîkuua maguta ma kwongerera.

Mathaayo 25:9

Nwatî erîtu acio maarî aûgî nîmaamacokerie atîrî, ‘Naarî, maguta marîa tûrî namo matingîtwîgana na mamwîgane. Thiîni ndukarî mûkagûre menyu.’

Luka 10:3

Thiîni kûrîa namûtûma. Nie namûtûma ta ng'ondu irî gatagatî ga ciathi.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Ciîko 20:29

Nie nîmbîcî atî narîkia kûthiî, andû amwe mekariî ta ciathi mbaganu nîmagaaûka na matigaacaîra ndîthia.

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 11:14

Ûndû ûyû ndûtûmakagia! Wana Caitani nîwîgarûraga onekane ta mûraika wa ûtheri.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

2Akor 8:20

Nîtûrageria gûtikagîe na ûndû ûngîtûma andû magîe na înegene ûvororî wîgiî ûrîa tûgûtûmîra mbeca ino mûrutîte na wendo.

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

1Ath 2:10

Mue mûrî aira wana Ngai nî mûira wetû atî rîrîa twarî namue, mue arîa mwîtîkîtie twarî na mîtugo mîaro na îtaarî na ûcuke.

1Ath 5:22

na mûragîre maûndû monthe macûku.