Mathaayo 10:14 - ÎVUKU RÎA ÛVORO MWARO

¹⁴ Na ethîrwa gûtirî mûndû wana ûmwe ûkûmûgwata ûgeni kana amûthikîrîrie, mûkiuma mûciî ûcio kana îtûûrarî rîu, rivarivani rûkûngû kuuma magûrûrî menyu.

Mathaayo 10:14 Iomraidhean Croise

Nehemia 5:13

Nînarutire nguo yakwa îrîa nerigicîrîtie kîûnû na ngîmîrivariva na ngiuga atîrî, “Ûguo nîguo Ngai akaarivariva mûndû wa wonthe ûtakaavingia ûrîa eranîra. Ngai nîakaamûcuna nyomba cienyu na indo cionthe irîa mûrî nacio, amûtige mûtarî na kîndû.” Nao andû onthe arîa maagomanîte vau nîmaaugire “Ameni” na nîmaagocire Ngai. Nao andû nîmeekire ûrîa meeranîrîte.

Mathaayo 10:13

Na ethîrwa andû arîa marî mûciî ûcio nîmamûgwata ûgeni, marathimageni; nwatî ethîrwa matinamûgwata ûgeni kîrathimo kîu nîkîmûcokerere.

Mathaayo 18:5

Mûndû wa wonthe ûgwataga kaana ta gaka ûgeni nîûndû wakwa, nî nie agwataga ûgeni.

Maariko 6:11

Na mûngîkaathiî îtûûrarî na andû akuo marege kûmûgwata ûgeni, wana kana kûmûthikîrîria, îrivarivageni rûkûngû magûrûrî menyu mûkînauma kuo. Nakîo gîîko kîu gîgaatuîkaga ûira kûrî o atî ûndû ûcio ndûnamûkenia.”

Maariko 9:37

“Mûndû wa wonthe ûgwataga kaana ta gaka ûgeni nîûndû wakwa, nî nie agwataga ûgeni. Na mûndû wa wonthe ûngwataga ûgeni, tî nie tu agwataga ûgeni, nwatî agwataga wana ûrîa wandûmire.”

Luka 9:48

na akîmeera atîrî, “Mûndû wa wonthe ûgwataga mwana ûyû ûgeni nîûndû wa rîîtwa rîakwa, nînie ethagîrwa akîgwata ûgeni. Nake mûndû wa wonthe ûngwataga ûgeni, nî ûrîa wandûmire ethagîrwa akîgwata ûgeni. Mûndû ûrîa mûnini viû gatagatîrî kenyu muonthe, nîke mûnene gûkîra arîa engî onthe.”

Luka 9:5

Na kûndû kuonthe kûrîa andû akuo matakaamûgwata ûgeni, mbere ya mume îtûûrarî rîu, îîrivarivageni rûkûngû magûrûrî menyu. Nakîo gîîko gîkî gîtuîkage ûira kûrî andû acio, atî ûndû ûcio ndûnamûkenia.”

Johana 13:20

Nie nîramwîra ûvoro wa ma atî, mûndû wa wonthe wamûkagîra mûndû ûrîa ndûmîte wa nanie nîanyamûkagîra. Nake mûndû wa wonthe ûnyamûkagîra nîwamûkagîra ûrîa wandûmire.”

Ciîko 13:51

Kwoguo Paûlo na Baranaba nîmeerivaririvire rûkûngû kuuma magûrûrî mao rûrî ta rûûri rwa kûrega andû a îtûûra rîu na makîthiî Ikonia.

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.