Mathaayo 1:12 - ÎVUKU RÎA ÛVORO MWARO

¹² Vuva wa îthamîrio Babuloni, Jekonia aarî îthe wa Shealitieli, nake Shealitieli aarî îthe wa Zerubabeli.

Mathaayo 1:12 Iomraidhean Croise

2Atha 24:14

Nebukadinezarû nîwathiîre na andû onthe a Jerusalemu marî mîgwate: nao maarî anene onthe na arûme onthe arîa maarî njamba. Onthe maarî andû ngiri îkûmi (10,000). Nîwathiîre na andû onthe arîa maarî na ûûgî wa kûruta wîra, na arîa maaturaga indo cia cuuma. Gûtirî mûndû watigirwe Juda tiga andû arîa maarî athîni.

2Atha 25:27

Mwakarî ûrîa Evilimerodaki aatuîkire mûthamaki wa Babuloni, nîwaeguîrîre Jehoiakini mûthamaki wa Juda ntha na akîmûrekereria kuuma njera. Mûthenya wa mîrongo îîrî na mûgwanja (27) wa mweri wa îkûmi na îîrî mwaka wa mîrongo îthatû na mûgwanja kuuma Jehoiakini avirwa îthamîriorî nîrîo aarekereerue kuuma njera.

1Maû 3:17

Ino nîcio njiarwa cia mûthamaki Jehoiakini vuva wa kûthamîrua Babuloni. Jehoiakini aarî na avîcî mûgwanja. Nao maarî: Shealitieli,

Ezira 3:2

Jeshua mûvîcî wa Jehozadaki, athînjîri-Ngai arîa maatungataga nao, na Zerubabeli mûvîcî wa Shealitieli marî na andû a nyomba yao nîmaatumire metha ya kîgongoona ya Ngai wa andû a Isiraeli. Maamîtumire nîguo marutîre Ngai magongoona ma kûvîvua wata ûrîa kwandîkîtwe wathorî wa Musa ûrîa warî mûndû wa Ngai.

Ezira 5:2

Rîrîa Zerubabeli mûvîcî wa Shealitieli na Joshua mûvîcî wa Jehozadaki meeguire ndûmîrîri yao, nîmaambîrîrie rîngî gûtuma hekarû kûu Jerusalemu. Nao arathi acio aîrî nîmaamatethagia.

Nehemia 12:1

Ûyû nîguo mûtaratara wa athînjîri-Ngai na Alawi arîa maaumire îthamîriorî. Maaûkire marî vamwe na Zerubabeli mûvîcî wa Shealitieli na marî na Jeshua mûthînjîri-Ngai mûnene. Athînjîri-Ngai maarî: Seraia, Jeremia, Ezira,

Jeremia 22:24

Ûvoro wîgiî Konia mûthamaki wa Juda mûvîcî wa Jehoiakini, Ngai-Mûnene arauga atîrî, “Nîrevîta nie Ngai mûtûûra mwoyo, atî kethîrwa we Konia mûvîcî wa Jehoiakini wîkariî ta mbete yakwa ya mûvûûri njararî yakwa ya ûrîo, nîngîkûruta ngûte.

Jeremia 22:28

Nîkwa Konia anyararîtwe ta nyûngû nguû, îrîa gûtarî mûndû ûrî vata nayo? Nîndûî gîtûmîte ke na ciana ciake mavirwa îthamîriorî, vûrûrirî ûrîa mataicî?

Jeremia 22:30

Ngai-Mûnene arauga atîrî, “Andîka mûndû ûyû atî ndarî ciana, mûndû ûtakagacîra ûtûûrorî wake, nîûndû gûtirî mûndû wanarî ûmwe wa rûciaro rwake, ûgekarîra gîtî Kîam ûthamaki Kîam Daudi, na athane rîngî vûrûrirî wa Juda.”

Jeremia 27:20

irîa Nebukadinezarû mûthamaki wa Babuloni atakuuwa rîrîa ocire Jekonia mûvîcî wa Jehoiakimu mûthamaki wa Juda na andû arîa atîîkanu onthe a Juda na Jerusalemu kuuma Jerusalemu na akîmavira îthamîriorî.

Hagai 1:1

Mûthenya wa mbere wa mweri wa gatandatû mwaka wa kaîrî wa ûtongoria wa Dario mûthamaki wa Perisia, Ngai-Mûnene nîwavere mûrathi Hagai ndûmîrîri avirîre Zerubabeli mwana wa Shealitieli, mûnene wa Juda, na Joshua mûthînjîri-Ngai mûnene mwana wa Jehozadaki.

Hagai 1:12

Zerubabeli mûvîcî wa Shealitieli, na Joshua mûvîcî wa Jehozadaki, mûthînjîri-Ngai mûnene, na andû acio engî onthe nîmeetîkîre mûgambo wa Ngai-Mûnene Ngai wao, na ciugo cia mûrathi Hagai, wata ûrîa Ngai-Mûnene Ngai wao aamûtûmîte, nao andû nîmeetigîre Ngai-Mûnene.

Hagai 1:14

Kwoguo Ngai-Mûnene nîwekîrire ngoro ya Zerubabeli mûnene wa Juda vinya, Joshua mûthînjîri-Ngai mûnene na andû arîa onthe maacokete kuuma îthamîriorî. Nîmaambîrîrie gûtuma rîngî hekarû ya Ngai-Mûnene mwene vinya wonthe, Ngai wao,

Hagai 2:2

Nîwerire Hagai arie na mûnene wa Juda na nîke Zerubabeli mûvîcî wa Shealitieli, Joshua mûvîcî wa Jehuzadaki mûthînjîri-Ngai mûnene na andû onthe arîa maacokire kuuma îthamîriorî ameere atîrî,

Hagai 2:23

Mûthenya ûcio, nîngagwoca we Zerubabeli ndungata yakwa mûvîcî wa Shealitieli nîguo wathanage vandûrî vakwa, we nîwe nthurîte.” Ûguo nîguo Ngai-Mûnene mwene vinya wonthe arauga.

Mathaayo 1:11

Josia aarî îthe wa Jekonia vamwe na ariû a îthe. Îvindarî rîrîa ciana cia Isiraeli ciathamîîrue Babuloni.

Mathaayo 1:13

Zerubabeli aarî îthe wa Abiudi, Abiudi îthe wa Eliakimu, nake Eliakimu aarî îthe wa Azoro.

Mathaayo 1:17

Kwoguo kwarî na njiarwa îkûmi na inya, kuuma vîndî ya Iburahimu nginya vîndî ya Daudi. Na kwarî na njiarwa ciîngî îkûmi na inya kuuma vîndî ya Daudi nginya vîndî ya îthamîrio rîa Babuloni. Wana kwarî na njiarwa ciîngî îkûmi na inya kuuma vîndî ya îthamîrio rîa Babuloni nginya vîndî ya gûciarwa kwa Mesaya.

Luka 3:27

mûvîcî wa Joanani, mûvîcî wa Resa, mûvîcî wa Zerubabeli, mûvîcî wa Salathieli, mûvîcî wa Neri,