Josh 9:24 - ÎVUKU RÎA ÛVORO MWARO

²⁴ Nao nîmaacokerie Joshua atîrî, “Twekire ûguo nîûndû nîtwamenyete nama atî Ngai-Mûnene, Ngai wenyu nîwathîte ndungata yake Musa atî aûrage andû onthe arîa matûûraga vûrûrirî ûyû na atî nîakaamûva guo ûtuîke wenyu. Kwoguo nîtwetigîre na nîkîo gîatûmire twîka ûguo.

Josh 9:24 Iomraidhean Croise

Ayubu 2:4

Nake Caitani nîwacokerie Ngai-Mûnene atîrî, “Gîkonde Kîam mwîrî gîkûûragwa na kîngî! Mûndû avecanaga kîrîa kîonthe arî nakîo nîguo avonokie mwoyo wake.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Josh 10:2

Andû a Jerusalemu nîmaamakire mûno nîûndû Gibeoni rîarî îtûûra rînene wata matûûra marîa mengî maarî na athamaki. Gibeoni rîarî îtûûra rînene gûkîra Ai na andû a kuo maarî njamba.

Josh 2:11

Na rîrîa twegwire ûguo tue nîtwagîre guoya nyîngî na tûgîtigîra na gûtirî mûndû ûrî na ûmîrîru arî mbere yenyu. Nîûndû Ngai-Mûnene, Ngai wenyu nîke Ngai wa îgûrû na wa gûkû nthî.

Josh 2:9

na akîmera atîrî, “Nîmbicî atî Ngai-Mûnene nîavecanîte vûrûri ûyû kûrî mue. Nao andû arîa onthe matûûraga vûrûrirî ûyû marî na guoya nyîngî mûno nîûndû wenyu.

Josh 6:21

Andû a Isiraeli nîmaaûragire andû onthe arîa maarî îtûûrarî arûme na aka, andû ethî wana arîa akûrû, ng'ombe, ng'ondu na mvunda. Maaûragire andû na nyamû icio na mviû.

Josh 9:9

Nao nîmaacokerie Joshua atîrî, “Mwathi wetû tue tumîte vûrûri wa kûraca mûno. Tûkîte nîûndû nîtwîguîte ngumo ya Ngai-Mûnene, Ngai wenyu. Nîtwîguîte ûvoro wa maûndû marîa monthe eekire vûrûrirî wa Misiri.