Josh 8:31 - ÎVUKU RÎA ÛVORO MWARO

³¹ Aamîtumire kûringana na ûrîa Musa ndungata ya Ngai-Mûnene aataarîte andû a Isiraeli wata ûrîa kwandîkîtwe wathorî wa Musa atîrî: “Tuma metha ya kîgongoona na mathiga matarî maumie na ngeca ya cuuma.” Nao nîmaarutîre Ngai-Mûnene îgongoona rîa kûvîvua vo na magongoona mengî ma thayû.

Josh 8:31 Iomraidhean Croise

2Atha 14:6

Nwatî ndaaûraga ciana ciao. Eekire wata ûrîa Ngai-Mûnene aathanîte wathorî wa Musa atîrî, “Aciari matikaaûragwa nîûndû wa mevia ma ciana ciao, nacio ciana itikaaûragwa nîûndû wa mevia ma aciari a cio. Wa mûndû akaaûragwa nîûndû wa mevia marîa ke mwene ekîte.”

2Atha 22:8

Hilikia, mûthînjîri-Ngai mûnene nîwerire Shafani ûrîa warî mwandîki atîrî, “Nîmonire îvuku rîa watho hekarûrî ya Ngai-Mûnene.” Hilikia nîwacokire akînengera Shafani îvuku rîu, nake akîrîthoma.

2Maû 25:4

Nwatî ndaaûragithia ciana ciao. Eekire wata ûrîa Ngai-Mûnene athanîte wathorî wa Musa atîrî, “Methe matikaaûragwa nîûndû wa mevia ma ciana ciao, kana ciana ciûragwe nîûndû wa mevia ma methe mao. Nwatî wa mûndû akaaûragwa nîûndû wa mevia make ke mwene.”

2Maû 35:12

Nîmaacokire makîgaa nyamû cia matega ma kûvîvua kûringana na nyomba cia andû ao nîguo marutîre Ngai-Mûnene matega wata ûrîa kwandîkîtwe îvukuurî rîa Musa. Ûguo nwaguo maagaanirie wana ndegwa.

Ezira 6:18

Nao athînjîri-Ngai na Alawi nîmaaveerwe wîra wa ûtungata wa hekarû kûu Jerusalemu wata ûrîa wandîkîtwe îvukuurî rîa Musa.

Nehemia 13:1

Mûthenya ûcio andû nîmaathomerwe na mûgambo mûnene Watho kuuma îvukuurî rîa Musa. Wathorî ûcio nîmaathomire vandû varîa vaaugîte atî gûtirî vîndî wana îrîkû andû a Aamoni kana Amoabu mageetîkîrua gûtonya kîûnganorî Kîam andû a Ngai.

Ntha 18:12

Nake Jethiro, mûthoniwe wa Musa nîwarutire indo cia matega ma kûvîvua na magongoona mengî ma kûrutîra Ngai. Aroni na atongoria onthe a Isiraeli nîmaathiîre kûrîa irio vamwe na Jethiro marî mbere ya Ngai-Mûnene.

Ntha 24:5

Musa nîwacokire agîtûma anake a Isiraeli, na makîrutîra Ngai-Mûnene matega ma kûvîvua na ng'ombe îmwe nîûndû wa magongoona ma thayû.

Mathaayo 12:26

Kwoguo, ethîrwa Caitani nîarutûrûraga Caitani, ke nîmûgaûkanu na ûthamaki wake ndûngîvota kûrûngama.

Gûco 27:2

Mûthenya ûrîa mûkaaringa rûnjî rwa Jorodani, mûkinye vûrûrirî ûrîa Ngai-Mûnene Ngai wenyu akûmûva, nî mûkarûngamia mathiga manene na mûmatenderie îgûrû kuonthe.

Gûco 27:8

Nîmûkaandîka waro ciugo cionthe cia watho ûyû îgûrû rîa mathiga mau.”

Josh 1:8

Ririkanaga vîndî cionthe kûthoma îvuku rîîrî rîa watho vîndî îrîa mûkûgooca. Rîthomage ûtukû na mûthenya, na wonage atî nîwathîkîra ûrîa wonthe rîandîkîtwe, nawe nîûkaagîa na mûtûûrîre mwaro.