Josh 6:26 - ÎVUKU RÎA ÛVORO MWARO

²⁶ Vuva wa ûguo Joshua nîwakaanirie andû na akîmera atîrî, “Mûndû ûrîa ûkaageria gûtuma rîngî îtûûra rîa Jeriko, nûkagwatwa nî kîrumi. Mûndû wa wonthe ûgaatuma mûcingi wa îtûûra rîa Jeriko, mwanake wake wa îrikithathi nî agaakua. Mûndû wa wonthe ûgaatuma mîvîrîga ya gûtonya kuo, nîkaaûrwa nî mwana wake wa kîvinga nda.”

Josh 6:26 Iomraidhean Croise

1Atha 16:34

Vîndî ya ûthamaki wa Ahabu nîrîo Hieli wa kuuma Betheli aatumire rîngî îtûûra rîa Jeriko. Vîndî îrîa Hieli aatumire mûcingi wa îtûûra rîu, mûvîcî Abiramu, ûrîa warî îrikithathi nîwakwire. Na rîrîa aatumire ivingo ciarîo, mûvîcî Segubu, ûrîa warî kîvinga nda nîwakwire. Ûndû ûcio wekîkire kûringana na ûrîa Ngai-Mûnene aarîtie kûvîtûkîrîra kûrî Joshua mûvîcî wa Nuni.

1Atha 22:16

Nwatî Ahabu nîwamwîrire atîrî, “Nîngwîra maita megana, atî vîndî îrîa ûkûmbîra ûndû na rîîtwa rîa Ngai-Mûnene nwanginya ûmbîrage ûvoro wa ma?”

2Atha 2:4

Elija nîwacokire akîra Elisha atîrî, “Nakûthaitha wîkarage ava nîûndû Ngai-Mûnene nîandûmîte nthiî Jeriko.” Nwatî Elisha nîwamwîrire atîrî, “Nevîta na Ngai wakwa ûrîa ûtûûraga mwoyo na wata ûrîa we mwene ûgûtûûra mwoyo, atî tîngûtiga.” Kwoguo nîmaathiîre Jeriko.

Malaki 1:4

Andû a Edomu, na nîruo rûciaro rwa Esaû nwa mauge atîrî, “Matûûra metû nîmaacûkangirue, nwatî nîtûkamatuma rîngî.” Nwatî Ngai-Mûnene, mwene vinya wonthe arauga atîrî, “Nîmagaatuma matûûra mao rîngî nwatî nie nîngaamomora. Andû makaametaga, ‘Vûrûri mwaganu, ûrîa ûtûûraga ûrakarîrîtwe nî Ngai-Mûnene tene na tene.’ ”

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Ciîko 19:13

Nao Ayahudi amwe nîmaaûrûraga na makarutûrûraga maroho macûku kuuma kûrî andû. Ayahudi acio wa nao nîmaageririe gûtûmîra rîîtwa rîa Mwathani Jesû kûrutûrûra maroho macûku kuuma kûrî andû. Nao nîmeraga maroho macûku atîrî, “Na rîîtwa rîa Jesû ûrîa Paûlo avunjagia, nie nîrakwatha ume ndaarî ya mûndû ûyû!”

Josh 16:7

Kuuma Janoa nîwanyûrûrûkîte ûkathiî Atarothi na Naara, ûgîkinya Jeriko na ûkîthirîra rûnjîrî rwa Jorodani.