Josh 6:17 - ÎVUKU RÎA ÛVORO MWARO

¹⁷ Îtûûra wa vamwe na indo cionthe irîa irî kuo nîicûkangue ta irutîrîtwe Ngai-Mûnene matega. Nwatî Rahabu mûndûmûka ûrîa mûmaraa na andû a mûciî wao marekwe matûûre, nîûndû nîke wathithire athigani etû.

Josh 6:17 Iomraidhean Croise

Kîam 12:3

Nie ngaarathimaga andû arîa onthe magaakûrathimaga, nwatî ngaarumaga arîa onthe magaakûrumaga, na andû a mavûrûri monthe makaarathimagwa na njîra yaku.”

Ezira 10:8

Ndûmîrîri îo yatûmanirwe nî atongoria a andû a Isiraeli. Na mûndû wa wonthe ûngîaregire kûthiî kavindarî kau ka mîthenya îthatû, nîwarutagwa gîkundirî Kîam andû arîa engî na agacoka agacunwa indo cionthe irîa arî nacio.

Isaia 34:6

Ngai-Mûnene arî na rûviû na rwîcûrîte nthakame, nî rûvake maguta, na rûrî na nthakame ya ng'ondu na ya mbûri, na maguta ma mbigo cia ndûrûme. Nîûndû Ngai-Mûnene arî na îgongoona kûu Bozira, nîakaaûraga andû eengî mûno kûu vûrûrirî wa Edomu.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Ezek 39:17

Ngai-Mûnene nîwambîrire atîrî, “We mûndû, îra iconi cia mîthemba yonthe na nyamû cionthe cia kîthakarî igomane vamwe kuuma mîena yonthe ciûke kîgongoonarî kîrîa nîithondekerete. Gîkethîrwa kîrî kîrugo kînene mûno irîmarî cia Isiraeli, na nîkuo ikaarîa nyama na inyue nthakame.

Alawi 27:21

Nwatî mwaka ûcio wîngî wa gûkûngûîra mîaka mîrongo îtano, mûgûnda ûcio nîûkaanenganîrwa kûrî Ngai-Mûnene ûtuîke wake viû, na ûkethîrwa ûrî wa athînjîri-Ngai.

Mika 4:13

Ngai-Mûnene augîte atîrî, “Mue andû a Zayuni, thiîni mûkaverithie nthû cienyu! Nîngaatûma mûgîe na vinya ta wa ndegwa, îrî na mvîa cia cuuma na mavûngû ma cuuma ya gîcango. Nîmûkavoota andû a mavûrûri meengî, na nîmûkaanyamûrîra ûtonga wao ûrî îtega, mûndutîre indo ciao, nie Mwathani wa nthî yonthe.”

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

1Akor 16:22

Mûndû wa wonthe ûtendete Mwathani arogwatwa nî kîrumi. Maranatha: Mwathani wetû, ûka!

1Akor 2:7

Mbaragia ûvoro wîgiî ûûgî wa Ngai ûrîa ûtwîre ûthithîtwe. Na wana mbere ya nthî yûmbwa, Ngai nîwaûthuurîte nîguo tûgîe na riiri.

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”

Agal 3:12

Nwatî watho ndumanîte na wîtîkio. Vandû va ûguo mandîko matheru maugîte atîrî, “Mûndû wa wonthe wîkaga ûrîa watho ugîte nî agaatûûra mwoyo.”

Gûco 20:17

Nîmûkaaûraga andû onthe viû. Nao nî: Ahiti, Amori, Akanaani, Aperizi, Ahivi na Ajebusi wata ûrîa Ngai-Mûnene Ngai wenyu athanîte.

Ahib 11:31

Wîtîkio nîguo wagiririe Rahavu mûndûmûka ûrîa warî mûmaraa aûragwe vamwe na andû arîa maaregire kwathîkîra Ngai, nîûndû nîwanyitire athigani a Isiraeli ûgeni.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

Jakuvu 2:25

Ûguo nwa guo wana Rahavu ûrîa warî mûmaraa atwirwe mûthingu na njîra ya ciîko ciake. Ke nîwanyitire athigani Isiraeli ûgeni na nîwamatethirie maûre mathiî na njîra îngî.

Josh 2:1

Joshua mûvîcî wa Nuni nîwacokire agîtûma athigani aîrî kuuma Shitimu na akîmera mathiî makathigane vûrûri wa Kanaani na makîria îtûûra rîa Jeriko. Rîrîa maakinyire îtûûrarî rîa Jeriko, nîmaathiîre na makîrarîrîra kwa mûndû mûka ûmwe mûmaraa wetagwa Rahabu.

Josh 2:22

Nao athigani nîmaathiîre irîmarî na makîîthitha kuo. Andû a mûthamaki arîa maamathingatîte nîmaamacaririe îvinda rîa mîthenya îthatû kûu vûrûrirî wonthe. Na rîrîa maaturire andû a mûthamaki nîmaacokire îtûûrarî rîao rîa Jeriko.

Josh 7:1

Ngai-Mûnene nîwathîte andû a Isiraeli matigakuue kuuma Jeriko kîndû wanarî kîmwe Kîam irîa ciarî icûkangue. Nwatî nîmaaregire kwathîka nîûndû Akani mûvîcî wa Karîmi nîwakuuire indo imwe irîa ciarî nyamûre. Nîûndû wa ûguo Ngai-Mûnene nîwarakarirue nî andû a Isiraeli. Karîmi îthe wa Akani aarî mûvîcî wa Zabidi, Zabidi aarî mûvîcî wa Zera wa mûvîrîga wa Juda.

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”

1Sam 15:6

Nake nîwerire Akeni atîrî, “Nyûrûrûkani muume gûkû mûthengutîre Amaleki nîguo ndikamûraganîrie vamwe nao, nîûndû mue nîmwekire Aisiraeli ciîko mbaro vîndî îrîa maaumîte Misiri.” Kwoguo Aakeni nîmaathengutîre Amaleki.