Josh 4:9 - ÎVUKU RÎA ÛVORO MWARO

⁹ Nake Joshua nîwaigire mathiga mengî îkûmi na maîrî gatagatî ka rûnjî rwa Jorodani varîa athînjîri-Ngai arîa maakuuîte îthandûkû rîa kîrîkanîro maakinyîte. (Mathiga mau marî vo nginya ûmûnthî.)

Josh 4:9 Iomraidhean Croise

Kîam 26:33

Isaka nîwetire kîthima kîu Shiba (Mwîvîtwa.) Vau nîvo îtûûra rîa Beerisheba rîarutire rîîtwa.

Kîam 28:18

Mûthenya ûcio wîngî kîraûko tene, Jakovu nîwaramûkire, agîoca îthiga rîrîa rîarî rungu rwa kîongo gîake na akîrîvanda rîrî rîa kîririkano, agîcoka akîrîtîrîria maguta akîrîamûrîra Ngai.

2Sam 4:3

Atûûri a Be-erothi nîmaaûrîre Gitaimu, kûrîa matûûraga marî ageni nginya ûmûnthî.

1Atha 18:31

Nîwocire mathiga îkûmi na maîrî kûringana na mîvîrîga ya avîcî a Jakovu. Jakovu nîke werîtwe nî Ngai-Mûnene atî nîageetwa Isiraeli.

2Maû 5:9

Mîtî ya gûkuua îthandûkû rîa kîrîkanîro yarî mîraca, na mîthiia yayo nîyonagwa nî mûndû arûngamîte vandû varîa vatheru mbere ya varîa vatheru mûno, nwatî ndîngîonekire nî mûndû arî vandû vengî. Mîtî îo îrî vo nginya ûmûnthî.

Ntha 24:12

Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 28:21

Mathiga mau ma goro makethîrwa marî îkûmi na maîrî. Na wa îthiga rîkethîrwa rîandîkîtwe rîîtwa rîmwe rîa mîvîrîga îrîa îkûmi na îîrî ya Isiraeli.

Mathaayo 27:8

Kwoguo nginya ûmûnthî kîthaka kîu gîtagwa, “Kîthaka Kîam nthakame”.

Mathaayo 28:15

Kwoguo arangîri nîmoocire mbeca na magîka wa ûrîa meerîtwe meke. Naguo ûvoro ûyû nîguo ûtûîre ûganagwa nî Ayahudi nginya mûthenya wa ûmûnthî.

Gûco 34:6

Ngai-Mûnene nîwamûthikire Kîamndarî Kîam Moabu, kûng'ethanîra na îtûûra rîa Bethi-peori, nwatî nginya ûmûnthî, gûtirî mûndû wîcî varîa aathikirwe.

Josh 24:26

Joshua nîwandîkire mawatho mau îvukuurî rîa Watho wa Ngai. Nîwacokire agîoca îthiga înene na akîriga rungu rwa mûtî mûnene wa mûvuru vakuvî na vandû varîa vatheru va Ngai-Mûnene.

Josh 4:10

Athînjîri-Ngai arîa maakuuîte îthandûkû rîa kîrîkanîro nîmeekarire marûngamîte gatagatî ka rûnjî nginya rîrîa andû meekire maûndû monthe kûringana na ûrîa Joshua aathîtwe nî Ngai-Mûnene ameere. Ûguo nîguo Joshua aathîtwe nî Musa. Andû nîmaaringire rûnjî rwa Jorodani na îvenya.

Atir 1:26

Mûndû ûcio nîwacokire akîthiî vûrûrirî wa Ahiti na nîwatumire îtûûra kuo na akîrîta Luzu, na rîtûîre rîtagwa ûguo nginya ûmûnthî.

1Sam 30:25

Daudi nîwatuire ûndû ûcio watho wa kûrûmîrîrwa kûu Isiraeli kuuma mûthenya ûcio.

1Sam 7:12

Samueli nîwacokire agîoca îthiga, na akîrîvanda vau gatagatî ka Mizipa na Sheni, na akîrîtuîra rîîtwa akîrîta “Îthiga rîa Ûtethio,” na akiuga atîrî, “Ngai-Mûnene nîatûtethetie nginya ûmûnthî.”