Josh 4:3 - ÎVUKU RÎA ÛVORO MWARO

³ na ûmeere moce mathiga îkûmi na maîrî kuuma rûnjîrî rwa Jorodani gatagatî. Mathiga mau marutwe varîa athînjîri-Ngai maarûngamîte na mûthiî namo na mûmaige varîa mûkaarara ûtukû wa ûmûnthî.”

Josh 4:3 Iomraidhean Croise

Kîam 28:22

Îthiga rîîrî rîa kîririkano navanda, rîkethagîrwa rîrî nyomba yaku ya kûgoocagîrwa. Ngaakûvecaga gîcunjî gîa îkûmi gîa kîrîa kîonthe ûkaamvecaga.”

Thaburi 103:2

We Ngoro yakwa, kumia Ngai-Mûnene, ndûkariganîrwe nî maûndû maro marîa ekîte.

Thaburi 11:4

Ngai-Mûnene arî hekarûrî yake ntheru, gîtî gîake Kîam ûthamaki kîrî kûu îgûrû, aroragia andû onthe kûrîa marî na nîamenyaga maûndû monthe marîa mekaga.

Luka 19:40

Nake Jesû nîwamacokerie atîrî, “Nîramwîra atî arutwa aya mangîkira, namo mathiga nîkwa makwambîrîria kwina.”

Josh 24:27

Joshua nîwerire andû onthe atîrî, “Taroriani, îthiga rîîrî nîrîegua maûndû monthe marîa Ngai-Mûnene atwîra. Kwoguo rîgatuîkaga ûira kûrî mue wa kûmûgiria mûregana na Ngai.”

Josh 3:13

Athînjîri-Ngai arîa makuuîte îthandûkû rîa Kîrîkanîro Kîam Ngai-Mûnene wa nthî makaathiî marî mbere yenyu. Rîrîa magûrû mao magaakinya manjî, rûnjî rwa Jorodani nîrûgaatiga kûthiî. Manjî marîa maranyûrûrûka makeyûmbanîrîra vandû vamwe.”

Josh 4:4

Joshua nîwacokire agîîta arûme arîa îkûmi na aîrî aathuurîte,

Josh 4:8

Nao andû arîa maathuurirwe nî Joshua nîmeekire ûrîa Joshua aameerire meke ta ûrîa Ngai-Mûnene aamwîrîte. Nîmoocire mathiga manene îkûmi na maîrî kuuma gatagatî ka rûnjî. Îthiga rîmwe rîarûngamagîrîra mûvîrîga ûmwe wa andû a Isiraeli. Nîmaakuuire mathiga mau na makîthiî makîmaiga nthî varîa maambire magema mao.

1Sam 7:12

Samueli nîwacokire agîoca îthiga, na akîrîvanda vau gatagatî ka Mizipa na Sheni, na akîrîtuîra rîîtwa akîrîta “Îthiga rîa Ûtethio,” na akiuga atîrî, “Ngai-Mûnene nîatûtethetie nginya ûmûnthî.”