Josh 24:15 - ÎVUKU RÎA ÛVORO MWARO

¹⁵ Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”

Josh 24:15 Iomraidhean Croise

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Kîam 35:2

Jakovu nîwerire andû a mûciî wake na arîa onthe maarî nake atîrî, “Tani ngai ng'eni irîa mûrî nacio, mwîtherie, mûrute nguo irîa mûrî nacio mwîkîre ciîngî.

1Atha 18:21

Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

1Maû 1:14

na Ajebusi, Amori, Agirigashi,

Thaburi 101:2

Nîngwîmenyerera ndûûre ndarî na ûcuke. Ûgaaûka kûrî nie rî? Nîngûtûûra nyombarî yakwa nîrî na ngoro ntheru,

Thaburi 119:106

Nîmbîranîrîte na mwîvîtwa na nîngindîrîtie ûndû ûcio, atî ngaarûmagîrîra matuîro maku ma kîvooto.

Ntha 23:2

Ndûkanarûmîrîre mwîngî gwîka maûndû mûcûku, kana ûtongorue nî mwîngî rîrîa ûkûruta ûira wa maveeni îgootirî.

Ntha 23:24

Na mwakinya kuo mûtikanavoe ngai ciao kana mûigooce, na mûtikarûmîrîre mîtugo ya ndini ciao. Nîmûgaacûkangia ngai icio ciao na munange itugî ciao cia mathiga varîa magoocagîra.

Ntha 34:15

Mûtikaarûthe kîrîkanîro na andû a vûrûri ûcio, nîûndû vîndî îrîa makûgooca ngai ciao na makîirutagîra magongoona nwa mamwîte mûthiî mûkagwatanîre nao na mwavota kûgwa mageriorî wa kûrîa irio irîa itegeretwe ngai ciao.

Ezek 20:39

“Rîu mue andû a Isiraeli, Ngai-Mûnene augîte atî: Wa mûndû nîathiî na mbere gûtungatîra mûvuanano wake ethîrwa tîmûnthikîrîria. Nwatî mûtigûcoka gûturithia rîîtwa rîakwa rîtheru gîtîîo na iveo icio cienyu na mîvuanano yenyu ya kûgoocwa.

Danieli 3:18

Nwatî wana arega gûtûvonokia, Mwathi wetû tue tûtikenamîrîra tûgooce ngai ciaku, kana mûvuanano ûcio wa thaavu warûthithirie.”

Alawi 14:42

Andû nî magaacoka moce mathiga mengî na mamekîre varîa mau mengî mararî na moce ndaka îngî na mathinge nyomba nayo.”

Mika 4:5

Wa vûrûri ûgoocaga na ûkathîkîra ngai ya guo, nwatî tue tûkaagoocaga na tûkathîkîra Ngai-Mûnene, Ngai wetû tene na tene.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Gûco 13:7

ngai cia andû arîa mûriganîtie nao, marî vakuvî namue kana marî kûraca namue, kuuma mûthiia ûmwe wa nthî kûthiî ûrîa wîngî,

Gûco 29:18

Menyererani gûtikethîrwe na mûndûmûrûme, mûndûmûka, mûciî kana mûvîrîga gatagatîrî kenyu ûmûnthî ûngîtiganîria Ngai-Mûnene Ngai wetû na agatungatîre ngai cia mavûrûri mau. Ûndû ûcio ûngîthîrwa wîkariî ta mûri ûrîa ûtheûkaga mûtî mûrûrû na ûrî ûrogi.

Josh 24:16

Nao andû nîmaacokirie atîrî, “Tue tûtingîtungatîra ngai ciîngî, tûgatungatagîra Ngai-Mûnene!

Atir 6:10

Naamwîrire atî, Nînie Ngai-Mûnene, Ngai wenyu na mûtikagooce ngai cia Aamoni, arîa ene vûrûri ûyû mûtûîre. Nwatî mûtianthikîrîria.’ ”