Josh 24:14 - ÎVUKU RÎA ÛVORO MWARO

¹⁴ “Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

Josh 24:14 Iomraidhean Croise

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 35:2

Jakovu nîwerire andû a mûciî wake na arîa onthe maarî nake atîrî, “Tani ngai ng'eni irîa mûrî nacio, mwîtherie, mûrute nguo irîa mûrî nacio mwîkîre ciîngî.

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

Ezira 9:11

marîa watûveere kûvîtûkîra ndungata ciaku arathi. Maatwîrire atî vûrûri ûrîa tûkûthiî kwînyitîra ûtuîke wetû tî mûtheru. Nîûndû andû arîa maatûûraga kuo nîmaawîcûrîtie maûndû macûku kuuma mwena ûmwe nginya mwena ûrîa wîngî.

Ayubu 1:1

Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Thaburi 111:10

Gwîtigîra Ngai-Mûnene nîkîo Kîammbîrîria Kîam ûûgî, arîa onthe maathîkagîra maathani make nîamavecaga ûmenyo. Ke nîatûûra akumagua tene na tene.

Thaburi 119:1

Kûrathimwa nî andû arîa marî mîthiîre mîrûngîrîru; arîa marûmagîrîra watho wa Ngai-Mûnene.

Thaburi 119:80

Tûma ngoro yakwa yathîkagîre mawatho maku, nîguo ndigaconorithue.

Thaburi 130:4

Nwatî we nîûtwovagîra, nîguo tûgûtîîage.

Thaburi 81:10

Nie nînie Ngai-Mûnene, Ngai wenyu, ûrîa wamûrutire vûrûri wa Misiri. Athamia tûnyua twenyu na nîngûmûva irio.

Ezek 20:18

Na marî kûu werûrî nerire ciana ciao itikaarûmîrîre irîra cia methe mao, kana ciathîkîra mawatho mao, kana ciîgwatia gîko na njîra ya kûgooca mîvuanano.

Ezek 23:3

Marî ethî, matûûraga vûrûri wa Misiri. Marî kûu nîmaavûrire ûmaraa, makîvivinywa nyondo ciao na magîtuîka tî erîtu nthingi.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

Aefeso 6:24

Wega wa Ngai ûrekara na arîa onthe mendete Mwathani wetû Jesû Kristû marî na wendani ûrîa ûtathiraga.

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 18:13

Îthagîrwani mûrî evokeku kûrî Ngai-Mûnene Ngai wenyu vîndî cionthe.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

Josh 24:2

Nake Joshua nîwamerire atîrî, “Ngai-Mûnene, Ngai wa Isiraeli augîte atîrî, ‘Methe menyu ma tene maatûûraga mwena ûrîa wîngî wa rûnjî rwa Farati na nîmaagoocaga ngai ciîngî. Ûmwe wa methe mau ma tene aarî Tera îthe wa Iburahimu na Nahoru.

Josh 24:23

Nake Joshua nîwamerire atîrî, “Tiganani na ngai icio ng'eni mûrî nacio na mûcokerere Ngai-Mûnene, Ngai wa Isiraeli mûmûtungatagîre.”

1Sam 12:14

Ethîrwa mue nîmûgûtîîa Ngai-Mûnene, Ngai wenyu, mûmûtungatagîre, mûmûthikagîrîrie, na mwathîkagîre maathani make, na ethîrwa mûthamaki wenyu akaarûmagîrîra Ngai wenyu-rî, maûndû makethîrwa marî maro.

1Sam 12:24

Athîkagîrani Ngai-Mûnene na mûmûtungatagîre arî wenga na ngoro yonthe mûrî na wîvokeku. Taririkanani maûndû manene marîa ekîte nîûndû wenyu.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”