Josh 22:25 - ÎVUKU RÎA ÛVORO MWARO

²⁵ Ngai-Mûnene nîwathondekire rûnjî rwa Jorodani rûtuîke mûvaka wa andû a mûvîrîga wa Reubeni na Gadi. Mue mûtiagîrîrwe nî kûgooca Ngai-Mûnene.’ Nacio njiarwa cienyu nwa itûme njiarwa cietû itiga kûgooca Ngai-Mûnene.

Josh 22:25 Iomraidhean Croise

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

1Atha 12:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Gûtirî kîndû tûrenda kuuma kûrî Daudi? Tûtirî na îgai kuuma kûrî mûvîcî wa Jesse. Andû a Isiraeli, twînûkeni! Daudi gitîra nyomba yaku we mwene!” Kwoguo Aisiraeli nîmeenûkire magemarî mao.

1Atha 14:16

Ngai-Mûnene nîagaatiganîria Isiraeli nîûndû Jeroboamu nîwîvîtie na nîatûmîte andû a Isiraeli mevie.”

1Atha 15:30

Ûndû ûcio wekîkire nîûndû Jeroboamu nîwevîtie, na agîtûma andû a Isiraeli mevie, na ûndû ûcio nîwatûmire Ngai-Mûnene, Ngai wa Isiraeli arakare.

Nehemia 2:20

Nînaacokire ngîmacokeria atîrî, “Ngai wa îgûrû nîke ûgaatûma tûvootane. Tûrî ndungata ciake na nîtûkwambîrîria gûtuma. Nwatî mue mûtirî na kîndû mûrî nakîo gûkû Jerusalemu na gûtirî na kîndû kîngîtûma mûririkanagwe kuo.”

Thaburi 16:5

We Ngai-Mûnene, nîwe îgai rîakwa, nîwe ûmvecaga indo cionthe irîa mvataraga, ûtûûro wakwa ûrî njararî ciaku.

Ciîko 8:21

Na ma ûyû tîguo wîra waku, nîûndû ngoro yaku tî nûngarû methorî ma Ngai.

Josh 22:24

Nwatî tîguo kûrî! Twekire ûguo nîûndû nîtwetigagîra atî mavinda marîa magaaûka njiarwa cienyu nîikaaûria njiarwa cietû atî: ‘Nîmwenda atîa na Ngai-Mûnene, Ngai wa Isiraeli?

Josh 22:26

Kîu nîkîo gîatûmire tûtuma metha ya kîgongoona. Tûtiamîtuma îrî ya kûrutîra magongoona ma kûvîvua kana ya kûrutîra matega.

Josh 22:27

Vandû va ûguo, twatumire metha ya kîgongoona ûrî ûira wa kwonia njiarwa cietû na cienyu na njiarwa irîa igaûka atî nîtûgoocaga Ngai-Mûnene tûrî îgemarî rîake rîtheru. Tûretaga matega metû îgemarî rîake rîtheru nîguo mavîvue na tûrî na magongoona na matega ma thayû. Ûndû ûcio warî wa gûtûma njiarwa cienyu itikeere njiarwa cietû atî tue tûtirî a Ngai-Mûnene.

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’