Josh 22:20 - ÎVUKU RÎA ÛVORO MWARO

²⁰ Taririkanani ûrîa Akani mûvîcî wa Zera aaregire kwîvokeka maûndûrî megiî indo irîa ciatuîtwe icûkangue. Andû onthe a Isiraeli nîmaaverithirue nîûndû wa ûndû ûcio. Kwoguo tî Akani wenga wakuire nîûndû wa mevia make.”

Josh 22:20 Iomraidhean Croise

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

Ayubu 35:8

Waganu waku ûcûkangagia andû ta we, ûthingu waku ûgunaga mûndû ûrîa wîngî.

Alawi 10:6

Musa nîwacokire akîra Aroni na avîcî ake, Eliazaru na Ithamaru atîrî, “Mûtikarege gûcanûra njuîrî cienyu kana mûtembûrange nguo cienyu atî nîguo mwonanie mûrî na kîeva. Mweka ûguo mûgaakua, na Ngai-Mûnene akaarakara nî andû onthe. Nwatî andû enyu a Isiraeli nwa macakae nîûndû wa ikuû ino ciumanîte na mwaki ûrîa umire kûrî Ngai-Mûnene.

1Akor 10:6

Maûndû mau monthe meekîkire nîguo matuîke kîonereria kûrî tue gîa gûtûkaania atî tûtikeriragîrie maûndû macûku ta ûrîa mekire,

Josh 22:21

Andû a mîvîrîga ya Reubeni, Gadi na nuthu ya mûvîrîga wa Manase nîmaacokerie atongoria a Aisiraeli atîrî,

Josh 7:1

Ngai-Mûnene nîwathîte andû a Isiraeli matigakuue kuuma Jeriko kîndû wanarî kîmwe Kîam irîa ciarî icûkangue. Nwatî nîmaaregire kwathîka nîûndû Akani mûvîcî wa Karîmi nîwakuuire indo imwe irîa ciarî nyamûre. Nîûndû wa ûguo Ngai-Mûnene nîwarakarirue nî andû a Isiraeli. Karîmi îthe wa Akani aarî mûvîcî wa Zabidi, Zabidi aarî mûvîcî wa Zera wa mûvîrîga wa Juda.

Josh 7:18

Joshua nîwacokire akîvira nyomba ya Zabidi mbere ya Ngai-Mûnene, wa mûndû wa mûndû na Akani mûvîcî wa Karimi, ûrîa warî mûcûkûrûwe wa Zabidi wa mûvîrîga wa Juda nîwathuurirwe.

Josh 7:24

Joshua marî vamwe na andû onthe a Isiraeli nîmaanyitire Akani mûvîcî wa Zera na magîoca nguo, sîlûva na thaavu. Nîmaacokire makînyita avîcî na aarî ake, ng'ombe, mvunda, ng'ondu, îgema rîake na indo cionthe irîa aarî nacio. Nîmaavirire Akani vamwe na indo icio cionthe Kîamndarî Kîam Akori.

Josh 7:5

Andû a Ai nîmaavinyûririe athigari a Isiraeli kuuma mîvîrîgarî ya îtûûra na nîmaamaunûkithirie karîma nginya kûrîa kwenjagwa mathiga na nîmaaûragire athigari a Isiraeli mîrongo îthatû na atandatû. Andû a Isiraeli nîmaagwatirwe nî guoya na magîtigîra.

2Pet 2:6

Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.