Josh 2:6 - ÎVUKU RÎA ÛVORO MWARO

⁶ (Vîndî îo Rahabu aathithîte athigani acio nyombarî yake îgûrû na akamakunîkîra na itina cia kamûtî karîa kaumaga ndigi cia kûthondeka itambaa irîa aaigîte nyomba îgûrû.)

Josh 2:6 Iomraidhean Croise

2Sam 11:2

Mûthenya ûmwe kîvwaî, Daudi nîwaûkîrire akiuma varîa aanogokaga na agîtwa îgûrû rîa nyomba ya Mûthamaki. Rîrîa aacerangaga kûu îgûrû, nîwonire mûndûmûka akîîthambia. Mûndûmûka ûcio aarî mûthaka mûno.

2Sam 17:19

Nake mûndûmûka wa mûndû ûcio nîwocire ngunîko, agîkunîka mûromo wa kîthima kîu na agîcoka akîanîka ngano îgûrû rîakîo na gûtirî mûndû ûngîamenyire ûndû ûcio.

1Atha 18:13

Nîkwa ûtanerwa ûrîa nekire vîndî îrîa Jezebeli aaûragaga arathi a Ngai-Mûnene, rîrîa naathithire arathi îgana marî ikundi igîrî cia arathi mîrongo îtano na ngîmava mîgate na manjî?

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

2Atha 11:2

Nwatî Jehosheba, mwarî wa mûthamaki Joramu nîwocire Joashi, mûvîcî wa Ahazi na nthitho kuuma gatagatîrî ka anake a mûthamaki arîa maarî vakuvî kûragwa. Nîwamûthithire nyombarî ya kûmama marî na mûndû ûrîa wamûtungataga. Jehosheba aarî mwarwang'ina na Ahazia. Ûguo nîguo Jehosheba aathithire Joashi nîguo Athalia ndakamwone amûûraga.

Ntha 2:2

Mûndûmûka ûcio nîwaciarire kaana ga kavîcî. Rîrîa oonire ûrîa kaana kau kaarî kathaka, nîwakathithire kavinda ka mîeri îthatû.

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Mathaayo 24:17

Nake mûndû ûrîa ûkeethîrwa arî nyomba îgûrû ndakavarûrûke na atonye nyomba kûgîra indo ciake.

Gûco 22:8

“Rîrîa ûgaatuma nyomba njerû ûkaamîrigicîria na rûthingo rûkuvî mîena yonthe îgûrû rîayo nîguo mûndû wa wonthe angîgwa akue aumîte îgûrû rîayo, andû a nyomba yaku matikagwatwe nî wîvia wa kûragana.

Akol 3:3

Nîûndû nîmwakwire na rîu mwoyo wenyu ûthithîtwe vamwe na Kristû kûrî Ngai.

Ahib 11:23

Nîûndû wa wîtîkio aciari a Musa nîmaamûthithire vandû va mîeri îthatû arîkia gûciarwa. Nîmoonire atî ke aarî mwana mûthaka, nao matagwîtigîra nîmaaregire kwathîkîra watho wa mûthamaki.

Jakuvu 2:25

Ûguo nwa guo wana Rahavu ûrîa warî mûmaraa atwirwe mûthingu na njîra ya ciîko ciake. Ke nîwanyitire athigani Isiraeli ûgeni na nîwamatethirie maûre mathiî na njîra îngî.

Josh 2:5

Na kîvwaî mbere ya kîvingo gîa îtûûra kîvingwa nî maraumire na mathiî. Nie ndicî kûrîa marathiîre, nwatî kethîrwa nwa mûmarûmîrîrie na îvenya nwa mûmakinyîre.”

Josh 2:7

Kwoguo andû a mûthamaki nîmaarûmîrîrie athigani acio na îvenya. Na rîrîa maaumire nja ya îtûûra kîvingo gîa îtûûra nîkîavingirwe. Nao nîmaamarûmîrîrie nginya varîa rûnjî rwa Jorodani rwaringagîrwa.

Josh 2:8

Ûtukû ûcio mbere ya mamame, Rahabu nîwathiîre kûrî athigani acio kûu nyomba îgûrû

Josh 6:25

Nwatî Joshua nîwavonokirie Rahabu ûrîa mûmaraa, îthe na nyomba yake na arîa onthe metanîtue nake, nîûndû nîwathithire andû arîa maatûmîtwe nî Joshua makathigane îtûûra rîu. Rahabu na andû a nyomba yao nwa matûîre Isiraeli nginya ûmûnthî.