Josh 17:2 - ÎVUKU RÎA ÛVORO MWARO

² Naguo vûrûri ûrîa warî mwena wa îthûîro wa rûnjî rwa Jorodani nîwagaîrwe Abiezeri, Heleki, Asirieli, Shekemu, Heferi, na Shemida. Andû acio maarî arûme njiarwa cia Manase mûvîcî wa Josefu na nîo maarî atongoria a mbarî ciao.

Josh 17:2 Iomraidhean Croise

1Maû 7:18

Mwarwang'ina na Gileadi wetagwa Hamolekethi aarî na avîcî athatû. Marîîtwa mao maarî: Ishodi, Abiezeri na Mahila.

Josh 17:1

Josefu aarî na avîcî aîrî, Manase na Efiraimu. Manase nîke warî îrikithathi rîa Josefu. Îrikithathi rîa Manase rîarî mwanake wetagwa Makiru na aarî njamba ya mbaara. Makiru aarî îthe wa Gileadi. Kwoguo Gileadi na Bashani, mavûrûri marîa marî mwena wa îrathîro rîa Jorodani nîmaagaîrwe Makiru.

Josh 17:3

Nwatî Zelofehadi mûvîcî wa Heferi, Heferi mûvîcî wa Gileadi, Gileadi mûvîcî wa Makiru ûrîa warî îrikithathi rîa Manase ndaarî na ciana cia anake nwatî aarî na erîtu atheri. Namo marîîtwa mao nî: Mahila, Noa, Hogila, Milika, na Tiriza.

Atir 6:11

Mûraika wa Ngai-Mûnene nîwacokire akîthiî gîcagirî Kîam Ofira, na agîkara nthî rungu rwa mûtî wa mûvuru. Mwene mûtî ûcio aarî Joashi, wa kuuma kûrî mbarî ya Abiezeri. Vîndî îo mûvîcî Gideoni avûûraga ngano ethithîte kîvivîrorî Kîam ndivei nîguo ndakonwe nî Amidiani.

Atir 8:2

Nake Gideoni nîwamacokerie atîrî, “Ûrîa nekire ndûrî na vata ûringithanîtue na ûrîa mwîkîte. Ûndû mûnini ûrîa mue andû a Efiraimu mwekire, ûrî na vata gûkîra ûrîa andû onthe a mbarî yakwa mekîte.