Josh 15:47 - ÎVUKU RÎA ÛVORO MWARO

⁴⁷ Kwarî na matûûra manene ma Ashidodi na Gaza na matûûra manini na icagi ciamo, ikinyîte karûnjîrî karîa karî mûvakarî wa Misiri na rûtere rwa îria rîa Mediterania.

Josh 15:47 Iomraidhean Croise

1Atha 5:4

Nwatî Ngai-Mûnene, Ngai wakwa nîatwîguithanîtie na andû onthe arîa tûvakanîte nao. Ndirî na nthû na ndirî na thîna wana ûrîkû.

2Atha 18:8

Nîwaûragire Afilisiti nginya îtûûrarî rînene rîa Gaza, vamwe na vûrûri ûrîa ûrîrigicîrîtie, kuuma gîcagirî kîrîa kînini nginya îtûûra rîrîa rînene ririgîre.

2Maû 26:6

Uzia nîwarûire na Afilisiti na akîomomora nthingo irîa ciairigîrîte îtûûra rîa Gathu, Jabune na îtûûra rîa Ashidodi. Nîwacokire agîtuma matûûra mengî manene vakuvî na Ashidodi na kûndû kwîngî vûrûrirî wa Filisiti.

Ntha 23:31

Nîngekîra mîvaka ya vûrûri wenyu kuuma îriarî rîrîa Îtune nginyagia îria rîa Mediterania, na kuuma werûrî nginyagia rûnjîrî rwa Farati. Nîngaatûma mûvoote andû arîa matûûraga vûrûrirî ûcio, na nîmûkaamengata maume kuo.

Jeremia 47:1

Ndûmîrîri ya Ngai-Mûnene îgiî Afilisiti nîyakinyîre mûrathi Jeremia, mbere ya mûthamaki wa Misiri atharîkîra îtûûra rîa Gaza.

Jeremia 47:5

Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Zefania 2:4

Gûtirî mûndû ûgaatigwa îtûûrarî rîa Gaza. Ashikeloni nîrîgaatigwa rîrî rîtheri, Andû a Ashidodi nîmakaarutwa kuo mûthenya, na andû a Ekironi nîmakengatwa îtûûrarî rîao.

Ciîko 8:26

Mûraika wa Mwathani nîwerire Filipu atîrî, “Ûkîra na ûthiî werekerete îveti njîrarî îrîa yumîte Jerusalemu îthiîte Gaza.” (Njîra îo îvîtûkîrîrîte werûrî).

Gûco 2:23

Vûrûri ûrîa ûrî rûtere rwa îria rîa Mediterania nginya îtûûra rîa Gaza watûûragwa nî andû a Avimu mbererî. Andû a kuuma gîcîgîrîrarî gîa Kirete nîmaamathiririe na magîoca vûrûri ûcio na magîtûûra kuo.)

Josh 11:22

Vûrûrirî wa Isiraeli gûtirî mûndû wa kîruka Kîam Anaki watigarire arî mwoyo. Andû mataarî engî ao maatigarire matûûrarî ma Gaza, Gathu na Ashidodi.

Josh 13:3

wa vamwe na vûrûri wonthe wa Avimu mwena wa îveti. (Vûrûri ûrîa wambîrîrîtie rûnjîrî rwa Shihori, mûvakarî wa Misiri nginya mwena wa rûgûrû mûvakarî wa Ekironi warî wa Kanaani. Athamaki a Afilisiti maatûûraga Gaza, Ashidodi, Ashikeloni, Gathu, na Ekironi) na vûrûri wa Avimu,

Josh 15:4

na ûkathiî nginya îtûûrarî rîa Azimoni. Kuuma îtûûrarî rîa Azimoni wathiîcanîtie na karûnjî kaarî mûvakarî wa Misiri na ûkarîkîra îriarî rîa Mediterania. Ûcio nîguo warî mûvaka wa vûrûri wa Juda wa mwena wa îveti.

Josh 15:46

na matûûra monthe manene na icagi irîa ciarî vakuvî na îtûûra rîa Ashidodi, kuuma Ekironi nginya îriarî rîa Mediterania.

Josh 15:48

Naguo vûrûri ûrîa ûrî irîma kwarî matûûra ma Shamiru, Jatiru, Soko,