Josh 10:8 - ÎVUKU RÎA ÛVORO MWARO

⁸ Nake Ngai-Mûnene nîwerire Joshua atîrî, “Ndûkamakue nîo. Nie nîmûkûveu ûvootani. Gûtirî wana ûmwe wao ûgagwîtirîria.”

Josh 10:8 Iomraidhean Croise

1Atha 20:13

Vîndî wa îo mûrathi ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene araûria kana nîûrona andû aya eengî ûguo nthû ciaku! Nîngûkûvotithia kûmavoota ûmûnthî, na nîûkûmenya atî nînie Ngai-Mûnene.”

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 3:2

Nwatî Ngai-Mûnene nîwambîrire atîrî, ‘Ndûkamwîtigîre, nîngûmûvecana kûrî we, andû ake, wana vûrûri wake wonthe. Nawe nîûkaamwîka wata ûrîa wekire Sihoni, mûthamaki wa Amori, ûrîa wathanaga arî Heshiboni.’

Gûco 7:24

Ngai-Mûnene nîakaarekereria athamaki ao kûrî mue nîguo mûmaûrage mariganîre. Gûtirî mûndû ûkaamwîtirîria nginya mûmathirie onthe.

Josh 10:25

Nîwacokire akîra anene a athigari a mbaara atîrî, “Mûtikamake kana mûnyitwa nî guoya. Gîani na vinya na mûmîrîrie nîûndû ûguo nîguo Ngai-Mûnene ageeka nthû cienyu cionthe.”

Josh 10:9

Ûtukû ûcio Joshua na athigari ake a mbaara nîmaathiîre kuuma Giligali nginya Gibeoni. Nao athigari a mbaara a Isiraeli nîmaatharîkîre Amori matevarîrîtie.

Josh 11:6

Ngai-Mûnene nîwerire Joshua atîrî, “Ndûgetigîre nîûndû wao. Rûciû thaa ta ino nîngethîrwa mbûragîte athigari aya onthe nîûndû wa andû a Isiraeli. Nawe nîûgaatemanga mîkiva ya magûrû ma mbarathi nîguo iremwe nî kûthiî na ûcoke ûvîvie ikaari cia mbarathi.”

Josh 8:1

Ngai-Mûnene nîwerire Joshua atîrî, “Oca athigari onthe unûkie ûthiî Ai. Ndûkamake kana wîtigîre. Nîngûtûma ûvoote mûthamaki wa Ai na andû ake, îtûûra na vûrûri wake ûtuîke waku.

Atir 6:16

Nake Ngai-Mûnene nîwamûcokerie atîrî, “Nîûgwîka guo nîûndû ngethîrwa nîrî vamwe nawe. Ûgacûkangia andû a Midiani takwa marî mûndû ûmwe.”

Atir 7:9

Ûtukû wa ûcio Ngai-Mûnene nîwerire Gideoni atîrî, “Ûkîra na ûnyûrûrûke ûkatharîkîre Amidiani, nîngûkûvotithia kûmavoota.

1Sam 17:47

Nao andû aya onthe marî ava nîmakûmenya atî Ngai-Mûnene ndavonokanagia na rûviû rwa njûra na îtumû. Ke nîke ûvootanaga mbaararî na nîke ûgûtûma tûmûvoote mue muonthe.”