Josh 1:9 - ÎVUKU RÎA ÛVORO MWARO

⁹ Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 1:9 Iomraidhean Croise

Kîam 28:15

Ririkana atî kûrîa kuonthe ûkaathiî, ngethagîrwa nîrî vamwe nawe na ngaakûgitagîra na ngûcokie vûrûrirî ûyû. Nie ndigaagûtiganîria nginya rîrîa ngaavingia maûndû monthe marîa nakwîrîra.”

Kîam 39:2

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

Kîam 39:3

Mwathi wake nîwonire atî Ngai-Mûnene aarî vamwe na Josefu na nîwatûmaga athatûkwe maûndûrî monthe marîa eekaga.

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

2Maû 15:7

Nwatî mue, îîyûmîrîrieni na mûtigakue ngoro, nîûndû nîmûkaanyita kîveo nîûndû wa wîra wenyu.”

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 43:5

Mûtigetigîre nîûndû nîrî vamwe namue! Nîngaamûretere njiarwa cienyu kuuma mwena wa îrathîro, na nîmacokanîrîrie kuuma mwena wa îthûîro.

Isaia 8:12

“Ndûkanyitanîre na mîvango yao, na ndûgetigîre maûndû marîa maretigîra, kana wîgua guoya.

Danieli 10:19

Nîwambîrire atîrî, “We mûndû ûyû, Ngai nî mûkwendu mûno, ndûgetigîre! Gîa na thayû, gîa na vinya na ûmîrîrie!” Na rîrîa aambîrire ûguo, nînaagîre na vinya na ngiuga atîrî, “Mwathi wakwa, rîu mbîra ûrîa ûkwenda, nîûndû nîwambîkîra vinya.”

Hagai 2:4

Kûnarî ûguo, ndûgakue ngoro we Zerubabeli. Îyûmîrîrie we Joshua mûvîcî wa Jehozadaki mûthînjîri-Ngai mûnene. Îyûmîrîrieni mue andû onthe a vûrûri ûyû. Rutani wîra nîûndû nie Ngai-Mûnene mwene vinya wonthe nîrî namue.

Hagai 2:5

Rîrîa mwaumire Misiri nînamwîrîîre atî ngethagîrwa nîrî namue tene na tene. Kwoguo, nîrî vamwe namue, mûtikamake.

Ciîko 4:19

Nwatî Petero na Johana nîmaamacokerie atîrî, “Mue ene tuani ûndû ûrîa mwagîrîru methorî ma Ngai. Tuani kana nîmue tûkwathîkîra kana nîtwathîkîra Ngai.

Gûco 1:21

Taroriani, nîguo ûûrîa, thiîni mûkegwatîre guo wata ûrîa Ngai-Mûnene, Ngai wa methe menyu aamwîrire. Mûtigetigîre kana mûmake.’

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Gûco 31:23

Nake Ngai-Mûnene nîwacokire akîatha Joshua mûvîcî wa Nuni akîmwîra atîrî, “Gîa na vinya na ûmîrîrie, nîûndû nîwe ûgûtongoria andû a Isiraeli mathiî vûrûrirî ûrîa namerîre na mwîvîtwa atî nîngaamava, na ngethagîrwa nîrî vamwe nawe.”

Gûco 31:28

Îtani athuuri onthe a mîvîrîga yenyu na atongoria onthe magomane ava nîguo nîmere ciugo ino, na nîngwîta îgûrû na nthî ituîke aira kûrî o.

Josh 1:10

Joshua nîwacokire akîatha atongoria a andû a Isiraeli akîmera atîrî,

Josh 1:17

Tue tûgaakwathîkagîra wata ûrîa twathîkagîra Musa. Ngai-Mûnene, Ngai waku nîethagîrwe nawe wata ûrîa eethagîrwa na Musa.

Josh 1:18

Mûndû wa wonthe ûkaaregana nawe na arege kwathîkîra watho waku, nî akaaûragwa. Gîa na vinya na ûmîrîrie!”

Josh 10:25

Nîwacokire akîra anene a athigari a mbaara atîrî, “Mûtikamake kana mûnyitwa nî guoya. Gîani na vinya na mûmîrîrie nîûndû ûguo nîguo Ngai-Mûnene ageeka nthû cienyu cionthe.”

Josh 10:8

Nake Ngai-Mûnene nîwerire Joshua atîrî, “Ndûkamakue nîo. Nie nîmûkûveu ûvootani. Gûtirî wana ûmwe wao ûgagwîtirîria.”

Josh 3:7

Nake Ngai-Mûnene nîwerire Joshua atîrî, “Ûmûnthî ûndû ûrîa ngwîka nî wa gûtûma ûneneve methorî ma andû onthe a Isiraeli, nîguo mamenye atî ngethagîrwa nîrî nawe ta ûrîa nethagîrwa nîrî na Musa.

Josh 6:27

Kwoguo Ngai-Mûnene nîwethagîrwa arî vamwe na Joshua na ngumo ya Joshua nîyatambire kûndû kuonthe vûrûrirî.

Josh 8:1

Ngai-Mûnene nîwerire Joshua atîrî, “Oca athigari onthe unûkie ûthiî Ai. Ndûkamake kana wîtigîre. Nîngûtûma ûvoote mûthamaki wa Ai na andû ake, îtûûra na vûrûri wake ûtuîke waku.

Atir 6:14

Nake Ngai-Mûnene nîwamwathire na akîmwîra atîrî, “Thiî na vinya ûcio waku na ûvonokie Aisiraeli kuuma kûrîa Amidiani. Nînie nagûtûma.”

1Sam 10:7

Vîndî îrîa maûndû mama magekîka, we ûgeka wa ûrîa ûkona kwagîrîrîte nîûndû Ngai arî vamwe nawe.