Josh 1:11 - ÎVUKU RÎA ÛVORO MWARO

¹¹ “Thiîni kûrîa kuonthe andû mambîte magema mûmeere atîrî, ‘Varîriani irio cienyu, nîûndû mîthenya îthatû yûkîte nîmûkaaringa rûnjî rûrû rwa Jorodani mûthiî mûkegwatîre vûrûri ûrîa Ngai-Mûnene, Ngai wenyu akaamûva.’ ”

Josh 1:11 Iomraidhean Croise

2Atha 20:5

“Coka kûrî Hezekia, mûtongoria wa andû a Ngai-Mûnene Ngai wa aguo Daudi, ûkamwîre nînegua îvoya rîaku na nînona methori maku. Nîngûkûvonia, na vuva wa mîthenya îthatû nîûkaathiî hekarûrî.

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Hosea 6:2

Vuva wa mîthenya îîrî nîagaatûva mwoyo rîngî, vuva wa mîthenya îîrî nîagaatûriûkia, nîguo tûkavota gûtûûrania nake.

Gûco 11:31

Rîu mûrî vakuvî kûringa rûnjî rwa Jorodani mûthiîte kwîgwatîra vûrûri ûrîa Ngai-Mûnene Ngai wenyu akûmûva. Mwegwatîra vûrûri ûcio na mûtûûre kuo,

Gûco 3:18

“Vîndî wa îo, nînaamwathire ngîmwîra atî, ‘Ngai-Mûnene, Ngai wenyu nîamûvete vûrûri ûyû ûrî mwena wa îrathîro ûtuîke wenyu. Andû onthe a mbaara nîmoce indo ciao cia mbaara, macoke mathiî marî mbere ya andû acio engî enyu a Isiraeli.

Gûco 9:1

“Tathikîrîriani, mue andû a Isiraeli! Ûmûnthî mûrî vakuvî kûringa Jorodani mûkegwatîre mavûrûri manene na marî na vinya kûrî mue. Matûûra ma mavûrûri mau nî manene na nîmaairigîre na nthingo nginya matuurî.

Josh 1:10

Joshua nîwacokire akîatha atongoria a andû a Isiraeli akîmera atîrî,

Josh 1:2

atîrî, “Ndungata yakwa Musa nîîkuîte. Rîu ûkîra mûrî na andû a Isiraeli mûringe rûnjî rwa Jorodani mûthiî vûrûrirî ûrîa ngûmava.

Josh 3:2

Vuva wa mîthenya îthatû anene a andû a Isiraeli nîmaathiîre kûndû kuonthe kûrîa andû maambîte magema