Luka 9:2 - Kulimama Kwakupya

² Niho abatumine mukushimikila bya Wene wa Nyambi, na kunyongomanisha bakakukola.

Libuka Lya Kuyela

² Niho abatumine mu ku shimikila bya Wene wa Nyambi na kunyongomanisha bakakukola.

Luka 9:2 Iomraidhean Croise

Mateo 10:5

Oho Yeshu atumine aba balume likumi na babili, wabatongwezele ngayi, “Hinga muya ku Bakamatunga, hinge kwingina mu minzi ya baka Shamaliya.*

Mateo 13:19

Muntu nimwendi ukuyuvwa byambo bya Wene ngoboni ukubula kuyuvwishisha, pe mukawubi ukeza kukwendi na kumuyangula eshe shinakubiwi mu mutima wendi. Unafweke ngonehe mbuto yawililile mu nzila.

Mateo 24:14

Eze ncango zaziwahe za Wene zikashimikiwa mu kaye nimwamo kwinga wupaki ku bantu nimwabo, nihoboni mamaninino akeze.

Mateo 3:2

“Tengulukenu, ndaba Wene wa muyilu uli hahepi!”

Mako 16:15

Yeshu wambile kukwabo ngayi, “Yenunga mukaye nimwamo mukashimikile ncango zaziwahe ku bantu nimwabo.

Mako 6:12

Niho bandongesha bayile na kushimikila ngayi bantu batenguluke.

Luka 10:1

Munyima yanebye, Mwene wahatile bamina makumi mutanu na abili na babili ngayi bayengaho kumbili yendi. Wabatumine babili, babili ku minzi na ku myanya nimwayo omwo akaya na kupita.

Luka 10:11

‘Tukumitotomwena hinge lukungu lwa mu munzi wenu olu lunatukakatili ku mawulu, ngoboni limukenu ngayi Wene wa Nyambi uli hahepi nanenu!’

Luka 10:9

Nyongomanishenu bakakukola aba mukawanamo, kami mwambe kukwabo ngayi, ‘Wene wa Nyambi uli hahepi nanenu.’

Luka 16:16

“Ndayano za Moshesha nanebye batikitile bamiluwe ba Nyambi babishimikilile kukuma ku shikati sha Yowano. Kufuma haya ncango zaziwahe za Wene wa Nyambi zilinakushimikiwa na muntu nimwendi ukulishininika ngayi engine.

Luka 9:11

Oho likunge lya bantu balimukile, bamukonkele. Yeshu wabatambwile, pe wabatongwezele bya Wene wa Nyambi, kami wanyongomanishile bakakukola.