Luka 3:8 - Kulimama Kwakupya

⁸ Imenu mikabo ikumonesha ngayi munatenguluku. Hinga mutatika kwamba mukati kenu ngayi, ‘Tuli na tatiyetu Abulahama.’ Haya nikumitongweza ngayi, Nyambi ukutwesha kufutula awa mamanya kwinga bana ba Abulahama.

Libuka Lya Kuyela

⁸ Yimenu mikabo yiku monesha ngayi munatenguluku. Hinga mutatika kwamba mukati kenu ngayi, ‘Tuli na tatiyetu Abulahama.’ Haya nikumitongweza ngayi, Nyambi ukutwesha kufutula awa mamanya kwinga bana ba Abulahama.

Luka 3:8 Iomraidhean Croise

Milimo 26:20

Ngoboni nashimikilile ku Bakandamashika ha kutatika na mu Yelushalema na mu litunga nimwalyo lya Yundeya na ku Bakamatunga, ngayi batenguluke na kufutukila kuli Nyambi, pe batende milimo yikumonesha ngayi banatenguluku.

Mateo 21:43

Yeshu wabatongwezele ngayi, “Wene wa Nyambi, ukayangiwa kukwenu, na kupanikiwa ku bantu baya bakuyima mikabo yayiwahe.

Fwilipu 1:11

Nyinkalo yenu yikenzala na byuma byakwoloka bikufuma kuli Yeshu Kilishitu, ngayi bantu nimwabo bamoneshe wuwahe na kuyemeza Nyambi.

Baloma 9:7

Hinga bazukulu ba Abulahama, kaliha banengi bana ba Nyambi nimwabo. Ngoboni, Nyambi watongwezele Abulahama ngayi, “Bana ba Ishake nibo bakutumbiwa bazukululyobe.”

Baloma 4:16

Nohobene, shikulupisho shezanga na kukulupila, ngayi winge wana ukufuma kuli Nyambi, ngayi shikulupisho bakashitambule bana ba Abulahama, kaliha tuhu bayo bakulama Ndayano za Moshesha, ngoboni ku baya nimwabo bakukulupila nehi Abulahama. Niye tatiyetu nimwetu.

Luka 19:40

Yeshu wakumbwile ngayi, “Nikumitongweza ngayi, ndi aba bakumwena, pe mamanya akabilikiza.”

Yowano 8:33

Bakumbwile kukwendi ngayi, “Etu tuli bazukulya Abulahama hinga twatanga kwinga ndungo ku muntu. Nahiti ukwamba ngayi, ‘Mukashoboloka?’ ”

Yowano 8:39

Bakumbwile kukwendi ngayi, “Abulahama niye tatiyetu.” Yeshu wambile kukwabo ngayi, “Shinga muli bana ba Abulahama, shinga mukutenda ebye Abulahama atendele.

Mateo 3:8

Yimenu mikabo yakufwanina muntu unatenguluku.

Mateo 3:9

Kami hinga mwamba mu mitima yenu ngayi, ‘Tuli na tatiyetu Abulahama.’ Haya nikumitongweza ngayi Nyambi ukutwesha kushimba ku nawa mamanya nakuwafutula kwinga bana ba Abulahama.

Luka 5:21

Bakakulongesha ndayano na Bafwalishi batatikile kungunguta mu mitima yabo ngayi, “Kati yani ou ukwamba bya lihandu? Yani ukutwesha kuyatila wubi, kaliha Nyambi tuhu ndi?”

Luka 13:25

Oho mwine litala akakatuka na kushinka shihala, mukemana hamunkanda na kungongomweza ha shihala na kulambilila ngayi, ‘Hekulu, tushinkwilileko,’ pe ukamikumbula ngayi, ‘Kumilimuka nifwako, kami kulimuka oku mukufuma nifwako.’

Luka 13:26

Pe mukamba ngayi, ‘Twalilenga na kunwa nobe hamo, kami walongeshelenga mu zimbanza zetu!’

Luka 14:9

Ou unamihana ubili wenu, ukamba kukwobe ngayi, ‘Pana ou muntu shipona.’ Niho ukayuvwa lisheni na kwikala ha shipona sha makuminino.

Luka 19:9

Niho Yeshu ambile kukwendi ngayi, “Lelo kupuluka kunezi mu litala lino, ndaba naniye kami nengi mwana Abulahama.