Luka 10:2 - Kulimama Kwakupya

² Yeshu wambile kukwabo ngayi, “Byakuteza binavulu, ngoboni bakamilimo babashe. Nohobene lombelenu kuli Mwene wa byakuteza ngayi atume bakamilimo babengi mukuteza.

Libuka Lya Kuyela

² Yeshu wambile kukwabo ngayi, “Bya kuteza binavulu, ngoboni bakamilimo babashe. Nohobene lombelenu kuli Mwene wa bya kuteza ngayi atume bakamilimo babengi mu kuteza.

Luka 10:2 Iomraidhean Croise

Mateo 20:1

“Ndaba Wene wa muyilu ukufweka ngo mwine litala, watutikile lumenemene kuya na kushinga bakamilimo ba mu mfuba yendi ya mikabo ya shinyanca.

Mako 13:34

Shikenga ngo muntu ukuya lwendo, ukushiya litala ku bakamilimo bendi, ukupanika muntu na muntu mulimo wendi, pe ukutongweza mukakulama ku shipana ngayi akeye.

Mako 16:15

Yeshu wambile kukwabo ngayi, “Yenunga mukaye nimwamo mukashimikile ncango zaziwahe ku bantu nimwabo.

Mako 16:20

Niho bandongesha bayile na kushimikila byambo ku zimbalila nimwazo, kami Mwene watendele milimo hamo nabo, washumishile lizu na bimonekesho biya byekalileko.

Luka 9:1

Yeshu wehanine bandongesha likumi na babili hamo, wabapanine nyala na ngovu zakufumisha mayimbwe nimwawo na kunyongomanisha malweli.

Milimo 11:19

Kunyima ya kuzihiwa kwa Shetefwano, bakakukulupila bapanzanine ndaba ya kuyandishiwa. Bamo bayile na kukuma ku Fonisha na ku Shayipulashi na ku Antiyoke, oku bakalongeshelenga lizu lya Nyambi ku Bayunda tuhu.

Milimo 13:2

Oho balemeshelenga Mwene na kuzila kulya, Moyo Wakuyela wambile ngayi, “Mfungwilenu Mbanambashi na Shaulu ku mulimo ou nabehanini.”

Milimo 13:4

Oho Mbanambashi na Shaulu Moyo Wakuyela wa batumine, bayile ku Shelusha. Oho bafumine kuyo bayile na wato ku shikuli sha Shayipulashi.

Milimo 20:28

Nohobene lilamenu enu bamwine, kami lamenu litanga nimwalyo, elye Moyo Wakuyela anamingi bakakulama. Lishenu litengo lya Nyambi, elye awanine na mukeza wa Mwanendi.

Milimo 22:21

Niho Mwene ambile kukwami kami ngayi, ‘Katuka, ndaba nikakutuma kwakutali ku Bakamatunga.’ ”

Milimo 8:4

Nohobene bakakukulupila aba bapanzanine, bashimikilile lizu nimwako oku bayile.

1 Kolinte 12:28

Nyambi unayaka mu nimwabo mu litengo, ha kutatika bantumwana, ba wubili bamiluwe, ba wuhatu bakakulongesha, niho bakakutenda bikomokesho na baya bali na ngovu za kunyongomanisha, na baya bakutwesha kuyavwa baminabo na bakakutwaminina na bakakwamba mu zindimi.

1 Kolinte 15:10

Ngoboni na nceshe za Nyambi, nili ngonehe nili, kami nceshe ampanine kaliha zengile tuhu zanahiya, ngoboni ninatende milimo shikuma, kupitakana bantumwana nimwabo, hinge noho kaliha amimwine, ngoboni nceshe za Nyambi ziya zili nanami.

2 Kolinte 6:1

Nohobene ha milimo yetu hano nanenu, tukumilomba ngayi hinga mutambula nceshe za Nyambi ngayi zibipe nahiya.

Fwilipu 2:21

Ndaba nimwabo bakushinga byabo, kaliha byuma bya Kilishitu.

Fwilipu 2:25

Nahanganiki ngayi shuma shakufwanina kutuma kukwenu kawushinda wami Epafulonditashi. Mwamutumine ngayi anyavwe kami unatende mulimo na kulwa ngunga ya Bakakilishitu hamo na nami.

Fwilipu 2:30

Ndaba ya mulimo wa Kilishitu, wekalile hahepi kushinga kufwa, wahupwile wumi wendi, ngayi amanishe osho mwakwangile kutenda.

Koloshe 1:29

Nibyo nikutendela milimo shikuma na kuliyavwisha ngovu za Kilishitu zikutenda milimo mumwami shikuma.

Koloshe 4:12

Epafulashi, ou wenga umo wa kukwenu, na mukamulimo wa Yeshu Kilishitu, ukumishangwisha, ulinakumilombelela shikuma shikati nimwasho ngayi mwanga mutwesha kushinta mukulembuka mu shamutima wa Nyambi nimwasho.

1 Teshalonika 2:9

Bawushinda, mwashikuma himwanuka kukalamana kwetu na litengela lyetu, twatendelenga milimo wushiku na mwana, ndaba kaliha twashingile kupana wulemezezi ku umo na wamina kukwenu, oho twashimikililenga kukwenu ncango zaziwahe za Nyambi.

1 Teshalonika 5:12

Kami tukuminyepa bawushinda ngayi mupane maleema aba bakutenda milimo mukati kenu, baya bali hayilu yenu muli Mwene, baya balinakumilongesha.

2 Teshalonika 3:1

Ha kumanishilila, bawushinda, tulombelelenu, ngayi lizu lya Mwene lipanzane nawangu, ngayi mwanga litambuliwe na maleema, ngonehe lyengile kukwenu.

1 Timoteo 4:10

Nohobene etu tukukalamana na kutambula makendu, ndaba tukukulupila muli Nyambi wakuyoya, niye Mulamwini wa bantu nimwabo, shinene wabo bakukulupila.

2 Timoteo 4:5

Ngoboni obe, utone ku byuma nimwabyo, zumanana mu makalikiza, tenda mulimo wakushimikila ncango zaziwahe. Kami tenda shiwahe mulimo wobe ndaba uli mukamulimo wa Nyambi.

Fwilimoni 1:1

Lin̄wati elye likufuma kuli Paulu kayili ka Yeshu Kilishitu na Timoteo kawushinda wetu. Kuli Fwilimoni mukakuhakiwa, na hilanyetu mu mulimo,

Bahebelu 3:6

Ngoboni Kilishitu wengile wakupwisha mu litala lya Nyambi nehi mwana ukulela byuma nimwabyo bya nomu mu litala. Pe litala olyo lyenga etu, ndi tukuzamina kukanca kwetu munebye tukulumbeza.

Kuholoka 2:1

“Tikitila lingeloyi lya ku litengo lya mu Efweshe ngayi, “Awa niwo mazu anafumu kuli ou wakwatanga nyenye mutanu na zibili mu liboko lyendi lya shilyo, ou wendanga mukati ka tulonga mutanu na tubili twa ngolinde.