Миха 6:10 - Киелі кітап

¹⁰ Уа, зұлым әулет, сендердің арамдықпен жиып-тергендерің әлі бар емес пе? Сендердің әдейі азайтылған өлшеуіштеріңді жек көремін!

Миха 6:10 Iomraidhean Croise

Нақыл сөздер 10:2

Арам байлық пайдалы болмайды, Ал әділдік ажалдан сақтайды.

Нақыл сөздер 11:1

Жалған таразы Жаратқанға жиренішті, Адал таразы Оған ұнамдысы.

Нақыл сөздер 20:10

Тең емес таразы, тең емес өлшем — Екеуін де жек көрер Тәңір Ием.

Нақыл сөздер 20:23

Жаратқанға мүлдем ұнамсызы — Дәл емес өлшем тастары, Өте жаман да — жалған таразы.

Нақыл сөздер 21:6

Жалғандықпен жиналған байлық — Ұшып кетер бу әрі ажалды тұзақ.

Амос 3:10

Жаратқан Ие тағы мынаны айтады: Олар дұрыс істеуді білмейді де, өз сарайларында зұлымдықпен, зорлықпен иемденіп алған байлық жинайды.

Амос 3:9

Азот қаласы мен Мысыр елінің сарайларына: «Самарияның тауларына жиналыңдар! Елдегі болып жатқан ғаламат ретсіздік пен қанаушылыққа көз салыңдар!» — деп жариялаңдар!

Миха 6:9

Жаратқан Иенің даусын тыңдаңдар! Егер шын дана болсаңдар, Жаратқан Иені терең қастерлейтін болыңдар! Ол Иерусалим қаласына мына үндеуді тастайды: «Таяқ іспетті жау әскеріне әрі оны тағайындап, осында жіберген Жаратқан Иеге назар аударыңдар!

Софония 1:9

Сол күні Мен соқыр сенімге салынып табалдырыққа аяқ басудан шошынатындардың барлығын және қожайындарының үйлерін зорлықпен әрі алдамшылықпен иемденген байлыққа толтырғандардың бәрін жазалаймын».

Зәкәрия 5:6

Мен: — Бұл не? — деп сұрадым. Періште маған түсіндіріп: — Бұл — үлкен өлшеуіш ыдыс — деді. Ол сөзін жалғастырып: — Ыдыс бүкіл елдің тұрғындарының жасаған қылмыстарының бейнесі, — деп қосты.

Ешуа 7:1

Бірақ исраилдіктер Тәңір Иеге бағышталып жойылуға тиісті нәрселерге қатысты опасыздық жасаған еді. Ол былай болды: Яһуда руының Ахан есімді бір кісісі Жаратқан Ие тыйым салған кейбір заттарды иемденіп алды. Сондықтан Жаратқан Иенің қаһары исраилдіктерге қарсы лаулады. Ахан Қармидың ұлы, Забдидің немересі, Зарахтың шөбересі болатын.