Даниял 2:20 - Киелі кітап

²⁰ былай деді: «Мәңгі мадақталсын Құдайдың есімі, Ол — бар даналық пен құдіреттің Иесі!

Даниял 2:20 Iomraidhean Croise

Жаратылыстың баст. 14:20

Жауларыңды қолыңа тапсырған Құдай Тағала мадақтала берсін!» Ыбырам қолында барының оннан бір бөлігін Мәліксадыққа құдайы сый-тарту ретінде қалдырып кетті.

Патшалықтар 3-ж. 8:56

«Берген уәдесі бойынша өз халқы Исраилге тыныштық сыйлаған Жаратқан Ие мадақталсын! Оның өз қызметшісі Мұса арқылы берген ізгі уәделерінің барлығы да орындалды.

Шежірелер 1-ж. 29:20

Мұнан кейін Дәуіт бүкіл жамағатты: «Құдайларың Жаратқан Иені мадақтаңдар!» — деп шақырды. Сонда олардың барлығы ата-бабалары сиынған Құдай — Жаратқан Иені мадақтады. Олар Жаратқан Ие мен Оның тағайындаған патшасының алдында төмен иіліп, беттерін жерге тигізе тағзым етті.

Шежірелер 2-ж. 20:21

Патша халықпен кеңесіп алып, әскердің алдында жүретін әншілерді тағайындаған еді. Арнайы салтанатты киім киіп алған олар Жаратқан Иеге ән-жырмен мақтау айтып жүрді: «Мадақтаңдар Жаратқан Иемізді, мәңгіге ұласады Оның мейірімі!»

Нехемия 9:5

Мұнан кейін Ешуа, Қадмиел, Бани, Хашабнея, Шеребиях, Ходия, Шебаниях және Петахиях есімді леуіліктер жамағатқа тіл қатып былай деді: «Орындарыңнан тұрып, Құдайларың Жаратқан Иені мадақтаңдар! Ол мәңгілік болып келген әрі мәңгілік бола береді!» (Содан олар былай деп мінажат етті:) «Сенің есімің мадақтала берсін, ол барлық мадақ пен даңқ атаулыдан жоғары!

Әйүп 12:13

Ал нағыз даналық пен құдірет тек Құдайда, дана ақыл-кеңес пен парасат та Оның Өзінде.

Забур жырлары 113:1

Исраил көшіп шыққанда Мысырдан, Жақыптың әулеті сол бөтен тілді жұрттан,

Забур жырлары 113:2

Яһуда елі Құдайдың киелі үйіне Айналды, Исраил де — Оның иелігіне.

Забур жырлары 147:5

Жаратқан қарды мамықтай жаяды, Қырауды да күлдей жерге шашады,

Забур жырлары 62:11

Семсердің күшімен олар қырылар, Өліктері шибөріге жем болар.

Нақыл сөздер 8:14

Менде ақыл-кеңес бар, адал сана, Иемін парасат, күш-қуатқа да.

Еремия 32:19

Жоспарларың сондай ұлы, істерің сондай керемет! Сенің көздерің адам баласының барлық істерін анық көреді. Әркімге жүрген жолдары мен істеген істерінің жемісі бойынша лайықтысын бересің.

Езекиел 28:3

Әрине, сен Даниялдан да дана екенсің. Саған беймәлім бірде-бір құпия жоқ екен.

Матай 6:13

Азғырылуымызға жол бермей, Бізді жамандықтан сақтай гөр. (Патшалық, құдірет және ұлылық Мәңгі бақи Сенікі! Аумин.)

Яһуданың хаты 1:24

Сендерді адасып кетуден сақтап, Өзінің нұрлы салтанаты көрінген күні қуанышпен, мүлтіксіз таза күйлеріңде өз алдына тұрғызуға

Аян 5:12

Олар қатты дауыспен әндетіп былай деді: «Құрбандыққа шалынған Тоқты Билік пен байлықты, Даналық пен құдіретті, Құрмет, ұлылық пен дәріпті Қабылдауға әбден лайықты!»