Zone 8:2 - Ia Foforuna Naiungene

² Ka ia nganai fughona ia keha ravata, manei neke leghu ka ira galahedi ka giliona ia Sugana God. Ira leghu noni nga dike la meha ka manei, neke nohe hinae ghu va kakahe ghidira manei.

Zone 8:2 Iomraidhean Croise

Matiu 26:55

Ianimu tuna ghe neke kahe ghua nga iahi Zisas ka ia varigharana noni, “?Ara ba keha noni ngongovala ta mamaghuana no ghua ghe, no posi meha leboto sisilufu mala magara nia papakure, no ghua nga mala meha sakomoauna? ?Neke heve ghe, noke deo nga go sakomoau ghu ka ia Sugana God? Ara nake au ma aianimu leleghu ravata vari va kakaheina.

Luku 21:37

Leleghu ravata, Zisas neke lao ka giliona ia Sugana God, mala vari va kakaheina, nia leleghu saighona tuna, geke leghu la epu ghu ka ia Vuhukuna Olivi, neke ghua.

Luku 21:38

Leleghu pagasana fugho, ira noni haroharo dike la nonomoho ka Zisas ka giliona ia Sugana God.

Luku 4:20

Manei neke viduhu leghui ia buka ta vividuhu, neke va leghu vanani lao ghu ia noni ta kopu, ghe neke nohe hinae nga. Ira noni haroharo ka giliona ia suga mala varighara ira Ziu, dike mato va gigima lao ka Manei.

Luku 5:3

Zisas neke haghe lao ka kaike koaka dike au ari, neke la fangai ghu Saemoni ia ta kutamana, ta tugha kave birusunana ka kavao. Manei neke la nohe ka koaka ani, ghe neke va kakahe ghidi nga ira varigharadi noni aianimu.

Zone 4:34

Va fafahaka vanadi tuna neke ghua Zisas, “Ghegu ghanona ara mu mala riva ghini ia lao nanafa ka manei neke tuhu mehauo, nia mala va hokotina ia riva neke vanaguo manei mala riva ghinina ara, e ghua.

Zone 8:20

Zisas neke turi ghidi turi irahi ka ia fafata vari va kakaheina ka giliona ia galahena ka gheremena ia mala nakai kakai ka ia Sugana God. Ghe maneri e deo gedi ke sakomi ghu manei, vununa ia nona fafata e deo nga geke dufu ghu.

Zone 8:3

Ne vari va kakahei ghu manei, ira mane ta vari va kakahei ghini ia vetula beana ka God nia ira Farisi e ghua, dike hio haghele mehai kaike fotati, dike pohoino zave kunuina keranau. Nakaini tuna ka kenuna ia varigharana noni dike ghua.

Ira Riva 5:21

Leghui tuna ianimu dike ghua ira mane nonomoho, dike la haghele ghu ka ira galahedi ka ia giliona ia Sugana God ka ia ghalaghalana fufugho, dike la tataniga vari va kakahei ghu. Ne dufu meha ghu ia hiama pauna nia ira keha ta riva taremehana e ghua, maneri dike kudo varighara ghini ia kamotona Nonohe Faghina ka ira Ziu. Ianimu tuna ghe dike tuhu laori nga keha manera ka ia suga pipiliga, mala la hiorira ira mane nonomoho ta hio vonarira ghu ka vari sukutuai.