Zone 7:7 - Ia Foforuna Naiungene

⁷ “!Malau iahi peka mu e deo ge kikipana ghini ghau ghu ghau, nga ne kikipana ghinagu ara mo, vununa ara na makuti ka ia muko ta riva ghini manei!

Zone 7:7 Iomraidhean Croise

Luku 6:26

Ka lelemeana leghahara ka ghau ira ta helahela ghini ghau leghu noni nga, vununa sepao, ira faamu meha, dike helahela ghidi molamo ira porofeti ta sesebo.

Zone 17:14

Ara nake vanadi maneri ia nou nonomoho, dike kikipana ghidi ghu malau iahi peka, vununa maneri mu eka nona ghu malau iahi peka, taghe ara la, ta deo ini ga nona ghu malau iahi peka.

Zone 3:19

Ia varifate mu e dedeke ka iahi. Ia fegala mu neto ke meha ka malau iahi peka, ghe ira noni di namaha ghini ia nagoromo mo, nga eka ghua ghu ia fegala, vununa ira riva ka maneri di muko.

Romu 8:7

Ia nganganana noni ta sasake mu, e taga tetui God. Manei mu eka leghui ghu ia vetula ka God, nia toraina deo hohoghona ge boka leghui ghu, e ghua.

Galesia 4:16

?Heve, ghatunaina mu ara nato meha kana ghu ka ghau, ka ia va kahe ghini ghau ia hohoghona?

Zemesi 4:4

!Ghau mu taghe kaike fotati ta zave kunui keranau, no ghua! ?E deo go avohi ghu ghau mu, noto namaha ghini la ghau malau iahi peka, God mu e nomu kana ghau, ta ghuana? Nia noto faeti la ghau malau iahi peka ta mala nomu baerena, ghau no naini God ta mala nomu kanana.

1 Zone 4:5

Sesebodi porofeti iramu ghu mu edi nonidi ka malau iahi peka ira ta deo gedi avohi ghu God. Ia vari va kakahei ka maneri mu, e suna ngangana ma ghu ka ira noni ka malau iahi peka. Ira noni taka avohi ghu God mu, edi va hohoghona ghu ka heve ia ta kahei ira porofeti ta sesebo.