Zone 7:6 - Ia Foforuna Naiungene

⁶ “Ghatunaina mu e deo nga ge lotorona fafata mala lao ghu ka ara, nga ka ghau mu, fafata e ghua ma ta lotorona,” neke ghua ghidi Zisas.

Zone 7:6 Iomraidhean Croise

Matiu 26:18

“Ka ia la haghelemu ka ia malau leghaha, ghau o la finini ghatu kaike mane,” neke ghua ghidi. “O va kahe ghini, ‘Ia Mane Ta Vari va Kakahei ne ghua iahi: To dufu tuna ia fafata ka ara ta mala age mahainina ia mahaina Ghahe Fuludu ka sugana agho taremehadi ira nogu mane ta nonofoau, ne ghua’ o la ghua ghini.”

Zone 13:1

Ponoena fafata tei ma ghe neke dufu nga ia nganaleghuna ia Ghahe Fuludu, Zisas neke avohi neke to dufuna ia fafata ka manei mala ke ghahe kainina malau iahi peka ta ke leghu laona ghu ka nona Mama. Manei neke toraina namaha ghidi ira dike ghahe leghuio taghonai ka malau iahi peka, namaha ghidi tuduna ma neke dufu ghu ka ia lemena taghonai.

Zone 17:1

Leghuna kaheri Zisas leghu irahi nga, manei neke mato vona ka kolangana fate ghe neke kahei nga, “Mama, to dufu tuna ia fafata. Va podoli ka ira noni haroharo ta varanga sughavonana ara ia Tuu, mala ara ia Tuu a va podoli molamo ta varanga sughavonana agho.

Zone 2:4

Kahe ghua tuna iahi ka nona uke neke ghua Zisas, “?Uke, ne heve ghe no meha nga agho ka ara ghinina iahi? Ia fafata ka ara e deo nga ge dufu ghu,” neke ghua Zisas.

Zone 7:30

Ianimu lama dike to kabai sakomo hioi ghu maneri, ghe e deo ma hei neke posi laoina, vununa ia fafata ka manei neke deo nga ge dufu ghu.

Zone 7:8

Ghau o lao mo ka mahai varighara nganaleghu ani. Ara mu e deo nga ga age ghu ka nganaleghu iamu, vununa ia fafata ta lotoro ka ara e deo nga ge meha ghu.”

Zone 8:20

Zisas neke turi ghidi turi irahi ka ia fafata vari va kakaheina ka giliona ia galahena ka gheremena ia mala nakai kakai ka ia Sugana God. Ghe maneri e deo gedi ke sakomi ghu manei, vununa ia nona fafata e deo nga geke dufu ghu.

Ira Riva 1:7

“Eka mala avohori ghu ghau mu ira fafata, ba ira ravata tato kusu pata ghidi meha ia Mama ka ia nona mana,” neke ghua Zisas ungene tughurira.