Zone 4:9 - Ia Foforuna Naiungene

⁹ Ia fotati neke kahe ghua iahi, “Agho mu noni Ziu nia ara mu noni Samaria. ?Heve ghe no boka fangau ketuhu nga agho?” neke ghua ia fotati. (Ira noni Ziu mu deo gedi ke au kapa ghu ka ira noni Samaria.)

Zone 4:9 Iomraidhean Croise

Matiu 10:5

Zisas neke tuhu kaveri tazoi palu mane nonomoho irahi taremehadi ungene babatu irahi: “Oka lao ghu ka ira noni taka Ziu ghu, ba, ka ira noni Samaria,

Luku 10:33

Ianimu tuna ghe neke la meha nga tuna kaike manena Samaria ia ta kikipana ghini ira Ziu. Ne la fini fati ghu, manei neke toraina dudumana ghini ghena fuludu.

Zone 4:27

Ka fafata ianimu lamu ke leghudira ira mane ta nonofoi. Maneri dike age nodi fere fininina manei turi taremehanana fotati ani. Ghe e deo ma hei ka maneri neke notohina fotati ani, “?Heve no kabai ghinina?” ta ghua ghinina, ba e deo hei neke notohina Zisas, “?Ne heve ghe no turi taremehana nga agho fotati iahi?” neke ghua harona.

Zone 8:48

“?Na sebo ghemai ghai mu ka ia fata kahei agho mu kaike noni ta sota tanina Samaria ta sukuigho nazahi, nake ghua ghinighono?” dike ghua sakolina.

Ira Riva 1:8

“Ghe ghau o age kuru ghau mana ghatu, ka ia meha suku ghau ia Tarunga Ta Maduana, o age va kahe ghidi ghu leghu noni nga ghinaguna ara aiani Zerusalemu, ka ia babarana kamoto Zudia, ka ia babarana Samaria gheremena mo, nia hae ghe hae ghu ka ira va nonoghana malau iahi peka, e ghua.”

Ira Riva 10:28

Va kahe ghidi tuna, neke ghua Pita, “!Ghau to avohi ta beanana ka ia vetula ghai ira Ziu ta meha haghelena ara ka kaike suga ira noni taka Ziu ghu. Ghe God neto va podolo vanagu ara taka va ngana ghidira ghu ira keha noni taghe di sota, ba di deo gedi beana ghu maneri ka ira nahalina God, ta ghua ghidira.

Ira Riva 10:32

‘Tuhu laori keha manera aianihi Zopa, edi la hio mehai ghu Saemoni Pita ia ta au taremehana Saemoni, ia mane ta rivai leghutau ka kafuna bulumakau, ta kurui kaike suga ka gheremena tahi ani.’