Zone 4:11 - Ia Foforuna Naiungene

¹¹ “Faghina Agho,” neke ghua ia fotati, “agho mu ta deoigho bakete mala tokolo vona ketuhu ini ka seu ta lao iahi gilioni. ?Hae ghu mu ta boka hioina agho ketuhu ta veha fuludu lao ta va doli noni iahi?

Zone 4:11 Iomraidhean Croise

Zone 3:4

“?Heve e ghua mu ia noni ta faa, ghe ge ke boka uraha leghu nga?” neke ghua notohona Nikodimasi. “!Torai hohoghonana mu, manei e deo boka ke haghele leghuna ka ia tiana nona uke take va palu fafata dolina ghu!”

Zone 4:14

Nga hei ia ta ketuhi ia ketuhu ta vanani ara mu, e deo kalasu kai ge age parangoso ghu ghatu. Ia ketuhu ta vanani ara mu taghe kaike futu taka nodo ghu ologhonana e ghua ka giliona manei, vananina ia doli soduai.”

Zone 7:37

Ka ia va nonoghana ravata, ta torai tongovona fuludu lao ka nganaleghu ianimu, Zisas neke tetu vona ghe neke kudo lao nga ka ia varigharana noni, “!Noto parangoso la ghau, o meha ka ara o ketuhu ghu!” neke ghua ghidi.

Ira Riva 10:14

“!Toraina deo Lod!” neke ghua Pita. “!Toraina deo kalasu kai nga ga mahairi ghu ara ira leghutau ta beana mahairira!”

1 Koriniti 2:14

Ia noni ta deoi ia Tarunga ta Maduana mu, e deo ge boka hiori ghu ira leghutau ta meha ka ia Tarunga God, vununa leghutau iranimu ghu mu, ne kingo e ghua ka manei, e deo ghu manei ge boka va fafahakari ghu, vununa ia Tarunga ta Maduana lama ta boka va fafahakarira.

Podolo Kave 21:6

Nia manei neke kahe ghua molamo iahi, “To hokoto. Ara mu ia Alofa nia ia Omega, ia Tatanigaina nia ia Va Nonoghana. Ka heiri ira ta parangoso, ara a age vanadi kakato ketuhu ka ia ketuhu ta futu meha ka ia ketuhuna doli!

Podolo Kave 22:1

Ianimu tuna ghe neke va fini ghinagu nga ia engizeli ia leghahai ketuhuna ia kolona doli ta toraina fegala mailo, la ghasolo mehana ka ia nonohe ginitaukela nona God nia nona ia Rekahana Sipisipi, e ghua.

Podolo Kave 22:17

Ia Tarunga ta Maduana nia ia fotati ta mala varihio ka ia Rekahana Sipisipi dike kahe ghua iahi ka Zisas, “!Meha!” Ghau haroharo ta nomohori ira ngengene ka buka iahi o toraina kahei molamo “!Meha!” ta ghuana. Nia ghau ira ta parangoso, o meha. Noto kabai ghini la ghau ia kolona doli, o meha hioi, vununa kolona doli ianimu e mala hio kakatoi ma.

Podolo Kave 7:17

Vununa, ia Rekahana Sipisipi ta au ani ka hoatana nonohe ginitaukelana, ta age nodi mala kopui sipisipina; ‘manei e age batu ghidi lao ka ketuhu futu ta va meha doli.’ ‘Nia God e age guranga va karangori ira kolodi hibadi.’”