Zone 4:10 - Ia Foforuna Naiungene

¹⁰ Zisas neke ungene tughui, “Goke avohi lama agho heve mu ta vanadina God ira noni, nia hei mu ta fangaigho ketuhu ini e ghua, geala agho oto ke fangau ara ato ke vananigho ketuhu ta vananigho doli ghu.”

Zone 4:10 Iomraidhean Croise

Luku 11:13

Ghau ira noni ta muko noto avohoa ghini la vanadi leghutau ta vehana ira nomu rekaha, ge heve soni mu nomu Mama ka malaunao fate, ta vanadina heiri ira ta fangai ia Tarunga Ta Maduana.”

Zone 16:3

Maneri edi age riva ghidi leghutau irahi, vununa maneri deo gedi ke toraina avohi ghedi ghu ia Mama, ba ara.

Zone 17:3

Fafahakanana doli soduai ta ghua iahi mu, ghini ia ta avohigho agho ia kaikena God ta hohoghona, nia ia ta avohoau ara ia noke tuhu mehauo agho aiahi, e ghua.

Zone 3:16

Vununa God neke puina namaha ghidi fuludu ira noni ka malau iahi peka, neke tuhu hinae mehai ghu ia Tuuna kaikena, mala heiri haroharo ta va hohoghona ka manei e deo ghu boka age lemedira, nga edi age hioi ia doli ta au toghunai.

Zone 4:14

Nga hei ia ta ketuhi ia ketuhu ta vanani ara mu, e deo kalasu kai ge age parangoso ghu ghatu. Ia ketuhu ta vanani ara mu taghe kaike futu taka nodo ghu ologhonana e ghua ka giliona manei, vananina ia doli soduai.”

Zone 6:35

“Ara lamu beretina dolina,” ne ghua ghidi Zisas. “Heiri ira ta meha ka ara, e toraina deo gedi age nodi liha ghu, nia heiri ira ta va hohoghona ka ara, ge toraina deo ghu age parangosodira, e ghua.

Zone 6:51

Ara mu ia bereti ta vanamu doli neke hinae mehao ka malauo God fate. Hei ia ta mahaini bereti iahi mu, e age doli toghunai. Ia bereti ta age vanamu ara malanana ia dolina malau iahi peka mu, ia vilahigu.”

Ira Riva 9:11

“Va tana, o lao ghu ka ia suga Zudasi ka ia hangana ta va kudo ghini ‘Lotoro,’ o la notohi ghu kaike mane ka ia malau leghaha Tarasasi babaolonana Solo. Manei ne tarai meha ka ara ghatunaina.

Romu 8:32

Manei neke deo ghe ge posi leghui ghu ia Tuuna, nga neke va malumi ta mala veala vanadana ghita. Neto ke riva ghini la ianimu manei, da avohi ghu ghita ta age vanadana manei ghatu vahina leghutau ta veha nga.

1 Koriniti 1:30

Vununa ka God, no au parekete ghu ghau ka Kraes Zisas. Kraes neke va podolo vanada ia avoavoho ka God. Manei neke nai va lotoro ghita ka ia nahalina God, nia neke toka ghini ghita ta mala leghuina ia hangana ta lotoro e ghua. Nia manei neke va kalasa ghita ka ira sasakeda.

1 Koriniti 10:4

nia maneri haroharo dike ketuhu ma ka kaike ketuhu neke va ologho kave vanadio God ka ia ghahipa neke ghahe leghurio, e ghua. Ghahipa ianimu ghu mu taghonai Kraes.

2 Koriniti 9:15

Kudo vehai God ka ia Tuuna, ia nona namaha ta vanada kakato ta deo ngengene ta boka va fafahakina.

Efesasi 2:8

God neke hio va doli ghau ka ia nona varisute ta vanamu kakato manei, ka ia fafata va hohoghonamu ghau ka Kraes. Vununa neke ghidi keha leghutau noke riva ghidi ghau ghe neke hio va doli ghau nga God eka ghua ghu. Iahi mu kaike kaikadolo sipa mehana ka God.

Hiburu 6:4

Ira noni ta va hohoghona ka Kraes mu dito taghuru kaini la ia nodi va hohoghona ka manei, e marutana vanadi fuludu ta taghuru kairira ira sasakedi take leghuna ghu ka manei. Sepao maneri dike au ka ia fegala God dike hioi ghu ia kaikadolo ka God nia dike to hioi ia Tarunga ta Maduana, e ghua.

1 Zone 5:20

Nia ghita da avohi ia Tuuna God neto ke mehana, neto ke vanada avoavoho ghu mala boka avohina ghita ia God ta hohoghona. Nia ghatunaina tuna gada to au parekete taremehana ghu ghita ia God ta hohoghona e ghua, vununa ghita da au parekete taremehana Zisas Kraes ia Tuuna manei. Iahi lamu ia God ta hohoghona, nia iahi lamu ia doli soduai, e ghua.

Podolo Kave 21:6

Nia manei neke kahe ghua molamo iahi, “To hokoto. Ara mu ia Alofa nia ia Omega, ia Tatanigaina nia ia Va Nonoghana. Ka heiri ira ta parangoso, ara a age vanadi kakato ketuhu ka ia ketuhu ta futu meha ka ia ketuhuna doli!

Podolo Kave 22:17

Ia Tarunga ta Maduana nia ia fotati ta mala varihio ka ia Rekahana Sipisipi dike kahe ghua iahi ka Zisas, “!Meha!” Ghau haroharo ta nomohori ira ngengene ka buka iahi o toraina kahei molamo “!Meha!” ta ghuana. Nia ghau ira ta parangoso, o meha. Noto kabai ghini la ghau ia kolona doli, o meha hioi, vununa kolona doli ianimu e mala hio kakatoi ma.

Podolo Kave 7:17

Vununa, ia Rekahana Sipisipi ta au ani ka hoatana nonohe ginitaukelana, ta age nodi mala kopui sipisipina; ‘manei e age batu ghidi lao ka ketuhu futu ta va meha doli.’ ‘Nia God e age guranga va karangori ira kolodi hibadi.’”