Zone 3:6 - Ia Foforuna Naiungene

⁶ Ia noni mu e hioi ia doli ka malau iahi peka, vununa manei ne doli meha ka nona uke ghe nona mama. Nga hei ia ta doli foforu taremehana ia mana ka ia Tarunga Ta Maduana mu, manei mu e doli meha kaike nona rekaha God.

Zone 3:6 Iomraidhean Croise

Tatanigaina 5:3

Ka ia 130 komuhuna Adamu, manei neke kurui kaike tuunamane taghe hihilina taghonai e ghua, Seti neke ghua ghini ghu baolina.

Tatanigaina 6:12

God neke matoi malau iahi peka neke finini ghu neke torai mukona, vununa ira noni dike au haroharo ka ira puhidi ta muko.

Tatanigaina 6:5

Iahova neke finini ia muko ka noni ka malau iahi peka neke toraina faa fuludu, nia vahina leghutau dike vato ghidi nga nia nganari nga maneri mu dike mukodi ma leleghu fafata.

Zone 1:13

Maneri mu deo gedi ke meha nona rekaha ghu God leghuina ia uraha ka ia vilahi, ia ta doli meha ka mama ghe uke, ba ka ia lao hihingo ia tini. Taghonai God lama neke nodi Mamana maneri, neke vanadi doli foforu ghu.

Zone 3:7

Oka nou fere ghu ka heve ta va kahe ghinigho ini ara ghini take torai age uraha leghuna ghau haroharo.

Romu 7:18

Ara na avohi ghu ta deona kaike veha ghu ta auna ka giliogu ara, ianimu ghu mu ka ira puhigu noni ta sasake ara. Vununa ia lao hihingo ta mala riva ghinina heve ia ta veha ne au mo ka ara, nga ia gigima ta mala la riva ghini mu ne deona.

Romu 7:25

!Ara na kudo vehai God ia ta riva ghini iahi ka ia noda Lod Zisas Kraes! Ka nganganagu ini ara na toraina kabai leghui ghu ia vetula ka God, ghe vununa ka ira puhigu ta sasake, ara mu kaike noni mala varituhu ghu ka pekana ia vetulana sasake.

Romu 7:5

Vununa ka ia dake leghuriro nga ghita ira puhida noni ta sasake, ia vetula neke va gigimari ira lao hihingo ta muko ka giliodi tinida idi ghita, mala fuai riva ta mukona, neke ghuduvuo ka leme.

Romu 8:13

Vununa noto au la ka ira puhi ta sasake, ghau o age leme. Nga noto va lemeri la ghau ira riva ta sasake ka ia mana ia Tarunga Ta Maduana mu, ghau o age doli ghemu,

1 Koriniti 6:17

Nga ia mane ta va parekete laoi taghona ka ia Lod mu, e meha kaike taremehana manei ka ia doli hohoghona.

2 Koriniti 5:17

Hei neto parekete taremehana la ghu Kraes, manei mu to foforuna noni ghu: ia doli sesepana to nogha, to meha ghu ia doli foforuna.

Galesia 5:24

Heiri ira ta nona Kraes Zisas mu, dito ke tupila ghidi va nogha ka ia hekefalahata ira puhidi ta muko, nia ira lao hihingo ta muko ka ia tini, e ghua.

Efesasi 2:3

Ghita haroharo mu taghe maneri dake ghua haroma dake au leleghuri ghu ira puhi dake doli taremehadi meharo, riva ghidira ira heve ta ngagungagu ghidi ira tinida nia nganganada. Vununa ka ira puhida sepa ta ghua iranimu, ghita dake to va halini ghu God, neke mala age va kilasa ghita ghu manei, taghe ia ta age riva ghini haro lama manei ghatu ka heiri haroharo ira taka nomohi ghu taghonai.

Kolosi 2:11

Ka ia meha ghau ka Kraes, manei neke papahe va ghilaghila ghau, ghe eka ghua ghu ka ia papahe va ghilaghila ta riva ghini ia noni, nga ka ia papahe va ghilaghila neke riva ghinio Kraes, neke va kalasa ghauno ghu ka ira au dolimu ta muko.

1 Zone 3:9

Ira noni ta tuuna God mu, edika rivai sasake ghu gedi au ghu, vununa ia toraina aꞌauna taghonai God to au ka giliodi maneri. Nia vununa God mu ne nodi Mamana maneri, e deo ghu maneri boka rivai sasake ma ta auna ghu.