Zone 3:5 - Ia Foforuna Naiungene

⁵ Zisas neke ungene tughui, “A va kahe ghinigho ghu ia hohoghona, e deo hei ta boka haghelina ia ravutu ka God, neto deo la ge uraha ghu ka kolo nia ia Tarunga Ta Maduana.

Zone 3:5 Iomraidhean Croise

Matiu 18:3

Kahe ghua tuna iahi neke ghua manei, “Ara a toraina va kahe ghini ghau ghu, ghau o fihiki kairi ira sasake ka ghau, taghe ira rekaha o ke meha ghua ghu, ghe go boka age hagheli nga ia Ravutu ka malauo God fate.

Matiu 19:24

Ara a ke kaheini, ia kamele ta la haghele ka ia korosana nila pitipiti mu, e ke nanamo fuludu laoi ia noni ta taghotagho ta la haghelina ia Ravutu ka malauo God fate!”

Matiu 21:31

“?Hei mo ka palu tuunamane irahi, neke nomohina nodi mama?” “Ia tuunamane ta faa mo,” dike ghua ghini. Va fafahaka vanadi tuna neke ghua Zisas, “A va kahe ghini ghau ghu ara ka ia hohoghona, ira ta hio takisi nia ira ta kikirasei tabara mo, ta kusu kenu ghauna ghau haghelena ka ia Ravutu God.

Matiu 28:19

O lao ghu ka ira leghu noni nga hae ghe hae ghu, o la seselebeanari ghu ka ia babaolona ia Mama, ia Tuuna nia ia Tarunga Ta Maduana, mala meha nogu noni mala nonofoauna maneri.

Matiu 3:11

“Ara a seselebeanari ka kolo heiri ira ta taghuru kairi ira sasakedi, ta fihiki lao ghu ka God. Ghe kaikeu ta toraina mana fuludu lao ka ara, e deo sepana e la meha ghu. Manei e toraina mana fuludu lao, e deo ghu ghe ga fata ghu ara ta mala posi vananina ira nona sadolo, taghe kaike noni mala varituhu ta ghuana. Manei e age seselebeana ghau ghatu ka ia Tarunga Ta Maduana nia ka totoi.

Matiu 5:20

“A toraina va kahe ghini ghau ghu, ghau o toraina leghu va vehai ia vetula beana ka God fuludurira ira Farisi nia ira mane ta vari va kakahe ghini ia vetula beana e ghua, ghe go toraina boka hagheli nga ia Ravutu ka malauo God fate.

Maki 10:14

Ne finini ghu Zisas dike ghuana ianimu maneri, manei neke age hali ghena, neke va kahe ghidi lao ghu, “Va malumuri edi meha ghu ka ara rekaha nira. !Oka va nodori ghu! Vununa Ia Ravutu ka God mu, e mala nodi mamu kokolodi noni taghe rekaha irahi ira ta ghua ira doli ka maneri.

Maki 16:16

Hei ia ta va hohoghona ta seselebeana ghu mu, ta age doli ghenana ghatu, nga hei ia ta pake ghena va hohoghonana mu, God e age va kilasi ghatu.

Maki 9:47

Nia neto va sasakeigho la hibau nia, ziloko kavei. E puina veha fuludu ta haghele kaike hibauna ka malauo God fate, ta age kai laoighona ghu ghatu taremehadi palu hibau nira aianihi gehena,

Luku 13:24

“Ia makatana ka malauo God fate mu e ghavoro. O riva va gigima o boka hagheli ghu, vununa tehi nonini ta age va sisiva haghelera ghatu, ghe edi age deo bokadina.

Luku 13:3

“!E toraina deo! Ghau o leme haro molamo noto deo la go taghuru kairi ghu ira sasakemu, ta fihiki laona ghu ka God.

Luku 13:5

!E toraina deo! A ke va kahe ghini ghau sonini ara, ta leme harona molamo ghau, noto deo la go taghuru kairi ghu ira sasakemu.”

Zone 1:13

Maneri mu deo gedi ke meha nona rekaha ghu God leghuina ia uraha ka ia vilahi, ia ta doli meha ka mama ghe uke, ba ka ia lao hihingo ia tini. Taghonai God lama neke nodi Mamana maneri, neke vanadi doli foforu ghu.

Zone 3:3

Zisas neke ungene tughui, “Ara a va kahe ghinigho ghu ia hohoghona, e deo hei ta boka haghelena ka ia ravutu God neto deo la ke uraha leghunana.

Zone 3:4

“?Heve e ghua mu ia noni ta faa, ghe ge ke boka uraha leghu nga?” neke ghua notohona Nikodimasi. “!Torai hohoghonana mu, manei e deo boka ke haghele leghuna ka ia tiana nona uke take va palu fafata dolina ghu!”

Ira Riva 2:38

Pita neke ungene tughuri, “Ghau haroharo o toraina taghuru kairi ira sasakemu nia o seselebeana ka ia babaolona Zisas Kraes mala kai hazadira ira muko ka ghau, e ghua. Ianimu tuna ghe go hioi nga ghau mu ia Tarunga Ta Maduana, ia kaikadolo sipana ka God.

Ira Riva 3:19

O taghuru kairi ghu ira sasakemu, o fihiki lao ghu ka God mala kai hazarira manei ira sasake ka ghau.

Romu 14:17

Vununa ia Ravutu ka God mu eka ghini ghu ia mahai gheu nia ia ketuhu gheu, nga e ghini ia au ka ia doli ta lotoro, bule nia va ghazaghaza ta meha ka ia Tarunga Ta Maduana.

Romu 8:2

vununa ia mana ka ia Tarunga ta Maduana ia ta va meha vanada doli ka ia au parekete taremehana Zisas Kraes neto va kalasau ka ia mana ia sasake ia ta sabara ka leme.

1 Koriniti 15:50

Ghau taremehagu noni ta va hohoghona, na kaheina ara mu, ia tini ta riva ghini ka vilahi nia busaka mu, e deo ge boka hio kadoli ghu ia Ravutu ka God, nia ia tini ta leme ta boe va nogha mu, e deo ge boka hio kadoli ghu ia doli soduai, e ghua.

1 Koriniti 2:12

Ghita mu dato ke deo gada hioi ghu ia tarunga ta nona malau iahi peka, nga ia Tarunga ta Maduana ta meha ka God mo, mala gada boka avohori la ghita ira vahina leghutau ta namanama nga neto ke vanada kakatono God.

1 Koriniti 6:11

Taghe ianimu noke ghua kehara ka ghau. Ghe ka ia babaolona ia noda Lod Zisas Kraes nia ka ia Tarunga nona God, neke to tihi kairi ghu God ira muko ka ghau, va maduana ghauna nia nai va lotoro ghauna ka ia nahalina taghonai.

Galesia 6:15

Geta papahe va ghilaghila ba deo ghita ghe, ianimu e deo ge tongovona ghu ka ia ta mala hiori God ta mala age nona nonina ghu ira noni. Leghutau ta tongovonana mu ia ta hioi ghita ka God ia foforuna doli.

Efesasi 5:26

Manei neke leme vanada ghita mala va maduana ghitana. Manei neke sesele va mamalahu ghita ghu ka ira sasake ka ia fafata nomohida ghita ia saorona God dake va hohoghonao ghu, nia ka ia sesele ghini ia kolo seselebeana, e ghua.

1 Pita 1:2

God ia Mama neke faete ghau sepaoni ta mala au taremehana fuludaina, neto va maduana ghau ghu ka ia Tarunga. Ianimu la ghe, no leghui nga ghau Zisas Kraes, ne va mamalahu ghau ghu ira sasakemu ka ia busakana. Ara na tarai fangai ia bule nia ia nona varisute ta va meha kakatoi God, e toraina vanamu va faa ma e lao ghu.

1 Pita 3:21

Heve neke dufu ani ka maneri mu taghe seselebeana ia ta hio va doli ghau ghatunaina, ka ia manana ia tetuleghu ka Zisas Kraes e ghua. Seselebeana mu eka ghua ghu ia guranga kai sota ka ia tini, nga kaike fanga lao ka God mala va mamalahurira ira nganganamu.

1 Zone 2:29

Vununa ghita da avohi ta lotorona Kraes, da avohi haro ghu molamo ghita mu ta nona rekahana God mu heiri haroharo ira ta riva ghidi ira heve ta lotoro.

1 Zone 5:1

Hei ia ta va hohoghonai Zisas mu ia Kraes ia Va Doli neke naiungene ghinio God mala va mehaina mu, e kaike rekaha ka God. Nia heiri haroharo ira ta namaha ghini ia mama mu, edi namaha ghidi haro molamo ira nona rekaha.