Zone 3:3 - Ia Foforuna Naiungene

³ Zisas neke ungene tughui, “Ara a va kahe ghinigho ghu ia hohoghona, e deo hei ta boka haghelena ka ia ravutu God neto deo la ke uraha leghunana.

Zone 3:3 Iomraidhean Croise

Matiu 16:17

“Ka beana gheura agho Saemoni, ia tuunamane Zona,” neke ghua Zisas, “vununa iahi mu, e deo geke va podolo vananigho ghu ia noni, nga neke va podolo vananigho nogu Mama ka malaunao fate.

Matiu 19:24

Ara a ke kaheini, ia kamele ta la haghele ka ia korosana nila pitipiti mu, e ke nanamo fuludu laoi ia noni ta taghotagho ta la haghelina ia Ravutu ka malauo God fate!”

Matiu 21:31

“?Hei mo ka palu tuunamane irahi, neke nomohina nodi mama?” “Ia tuunamane ta faa mo,” dike ghua ghini. Va fafahaka vanadi tuna neke ghua Zisas, “A va kahe ghini ghau ghu ara ka ia hohoghona, ira ta hio takisi nia ira ta kikirasei tabara mo, ta kusu kenu ghauna ghau haghelena ka ia Ravutu God.

Matiu 5:18

A toraina va kahe ghini ghau ghu ia hohoghona, ghe ge age nogha nga kolanga ini fate nia malau iahi peka, e deo kaike leta tei ghu nia kaike ghasi tei ghu ka ia vetula ta age kakaina ghatu, e vuhai age ghuduvu ghu vahina leghutau neke kangavariro nga ka ia giliona.

Maki 10:14

Ne finini ghu Zisas dike ghuana ianimu maneri, manei neke age hali ghena, neke va kahe ghidi lao ghu, “Va malumuri edi meha ghu ka ara rekaha nira. !Oka va nodori ghu! Vununa Ia Ravutu ka God mu, e mala nodi mamu kokolodi noni taghe rekaha irahi ira ta ghua ira doli ka maneri.

Maki 9:47

Nia neto va sasakeigho la hibau nia, ziloko kavei. E puina veha fuludu ta haghele kaike hibauna ka malauo God fate, ta age kai laoighona ghu ghatu taremehadi palu hibau nira aianihi gehena,

Zone 1:13

Maneri mu deo gedi ke meha nona rekaha ghu God leghuina ia uraha ka ia vilahi, ia ta doli meha ka mama ghe uke, ba ka ia lao hihingo ia tini. Taghonai God lama neke nodi Mamana maneri, neke vanadi doli foforu ghu.

Zone 1:5

Ia fegala ne pelara ka giliona ia nagoromo, toraina deona ia nagoromo ge boka paufi ghu.

Zone 1:51

Ke kahe ghua tuna iahi neke ghua Zisas, “A va kahe ghini ghau ghu ka ia hohoghona, ghau o age finini ia malau ka God fate ta tobehena, ta vona hinaena ghu ira engizeli ka God ka ia Tuuna ia noni.”

Zone 12:40

“Ia Lod neto ke va kiviri ira hibadi nia neke va kaputuri ira nganganadi e ghua, to deo ghu boka fifinidira ira hibadi, nia ira hihingodi to deo gedi boka va fafahaka ghu, nia to deo gedi boka fihiki meha ghu ka ara e ghua, mala hio va dolirira ara.”

Zone 3:4

“?Heve e ghua mu ia noni ta faa, ghe ge ke boka uraha leghu nga?” neke ghua notohona Nikodimasi. “!Torai hohoghonana mu, manei e deo boka ke haghele leghuna ka ia tiana nona uke take va palu fafata dolina ghu!”

2 Koriniti 4:4

Satana ia god na malau ta muko iahi peka neto ke va nagoromori ira nganganadi heiri ira taka va hohoghona ghu, mala bara kaputina ia pelarana varanga ka ia Nonomoho ta Veha ta pelara laona ka fatedi maneri. Maneri e deo gedi va fafahaki ghu ia nonomoho ta tuturi beana ghini ghai ghinina ia pelarana varanga ka Kraes ia torai totoghalena taghonai God.

2 Koriniti 5:17

Hei neto parekete taremehana la ghu Kraes, manei mu to foforuna noni ghu: ia doli sesepana to nogha, to meha ghu ia doli foforuna.

Galesia 6:15

Geta papahe va ghilaghila ba deo ghita ghe, ianimu e deo ge tongovona ghu ka ia ta mala hiori God ta mala age nona nonina ghu ira noni. Leghutau ta tongovonana mu ia ta hioi ghita ka God ia foforuna doli.

Efesasi 2:1

Sepao mu, ghau noke leme ka ia deo go va hohoghona ghu ka Zisas, noke leme ghu ka ia tarunga, vununa ghau noke sasake nia huhughi God, noke ghua.

Taetusi 3:5

Vununa ka ia nona dudumana, ghe neke hio va doli ghita nga manei, nga eka ghua ghu ka ira leghutau ta veha dake to riva ghidiro ghita. Manei neke vanada ghita ia Nona Tarunga Ta Maduana ia ta tihi kairi ira muko ka ghita, vanadana ia uraha foforuna nia ia ghaghahena au ta foforu, e ghua.

Zemesi 3:17

Nga ira noni ta auri ia ngangana ta veha neke vari va kakahe ghinio God mu, edi toraina kalasa; kabai au tudu ka ia bule taremehadi ira keha noni; edi unuhu, ungene nonomoho, vari dudumanai nia riva va veha tudu; edika toka kaike pelo ghu ka ira noni nia edika tatangana kobiri ghu, e ghua.

1 Pita 1:3

Helahela ghini God, ia nona Mama noda Lod Zisas Kraes. Vununa ka ia nona dudumana leghaha taghonai neke vanada ghu ghita ia doli foforu ka ia va tetuleghui Zisas Kraes ka ia leme. Iahi lama mu, ne va foudu ghitana ka ia rangerange ta au toghunaina,

1 Zone 2:29

Vununa ghita da avohi ta lotorona Kraes, da avohi haro ghu molamo ghita mu ta nona rekahana God mu heiri haroharo ira ta riva ghidi ira heve ta lotoro.

1 Zone 3:9

Ira noni ta tuuna God mu, edika rivai sasake ghu gedi au ghu, vununa ia toraina aꞌauna taghonai God to au ka giliodi maneri. Nia vununa God mu ne nodi Mamana maneri, e deo ghu maneri boka rivai sasake ma ta auna ghu.

1 Zone 5:1

Hei ia ta va hohoghonai Zisas mu ia Kraes ia Va Doli neke naiungene ghinio God mala va mehaina mu, e kaike rekaha ka God. Nia heiri haroharo ira ta namaha ghini ia mama mu, edi namaha ghidi haro molamo ira nona rekaha.

1 Zone 5:18

Ghita mu da avohi mo ta deona ira rekaha ka God rivai sasake ma ta laona ghu, vununa ia Tuuna God ne kagara ghidira maneri, e deo ghu ia ginitauna ia muko boka ngovalarira.

1 Zone 5:4

Vununa leghu rekaha nga ka God mu edi boka paufi mo malau iahi peka. Ghita mu da paufi ghu malau iahi peka ka ia noda va hohoghona.

Podolo Kave 3:14

“O kangava laoi leta iahi ka ia engizelina ia suga tarai aianihi Leodisia. Iahi mu ia nonomoho sipana ka ia ta va kudo ghini Amen, ia ta va hohoghona nia ta turi kave hohoghona, nia ia tatanigaidi ira leghu neke va vuhariro nga God, e ghua.