Zone 3:2 - Ia Foforuna Naiungene

² Kaike redu manei neke meha ka Zisas neke kahe ghua ghu iahi, “Mane Vari Va Kakahei Agho, ghai na avohigho agho neke tuhu mehaighona God mala va kakahe ghini ghaina, vununa e deo hei ta boka riva ghidira ira hahaima va ghilaghila ta riva ghidi agho, neto deo la God ge au taremehana ghu manei.”

Zone 3:2 Iomraidhean Croise

Matiu 22:16

Tuhu laori tuna ka manei kehara ka ira noni ta nonofori taghodi nia keha ta au ka ia pukuna Herodi, gedi la kahe ghua ghu iahi dike ghua, “Mane Vari Va Kakahei Agho, ghai na avohi mo ta noni hohoghouna agho, o vari va kakahe ghini ghu ia hohoghona ta kabai ghini God mala leghuina ira noni. Heve ta va riva ghidira agho ira leghu noni nga mu, e vari fata ma, geta au ghu ka papala heve maneri.

Matiu 23:7

Maneri edi va ghazaghaza ghini ta ungene veharira nia ta va vonavonarira ka ira makete peghuru nia ta va kudo ghidi ‘mane vari va kakahei’ harona, e ghua.

Matiu 23:8

Nga ghau mu eka mala va kudo ghini ghau ‘mane vari va kakahei’ ghu, vununa kaike mo mu mane vari va kakaheina ka ghau, nia ghau haroharo tuna go tatahina ghemu ghu, e ghua.

Maki 12:14

“Mane Vari Va Kakahei Agho,” dike ghua ira mane, “Ghai na avohigho mo ta turi hohoghouna agho. Agho deo go ngalangadoi ghu ia papala ka ia noni. Nga no va kakahe ghidi ira noni, ghini ia lao hihingo ta hohoghona ka God mo. O va kahe ghini ghai meha ghu. ?E totonu mo ta kai lao takisina ka Sisa ia Mane Ginitaukelana Romu, ba deo?

Zone 1:38

Ka ia mato liloho ta finiri ghu ira palu mane leghuina taghona, Zisas neke notohori, “?Heve no kabai ghinina?” neke ghua ghidi. “?Rabae, hae mu ta auna agho?” dike ghua ghini. (Fafahakanana “Rabae” mu “Mane Vari Va Kakahei” e ghua.)

Zone 10:38

Geta deo ghu va hohoghonauna ghau ghe, o va hohoghonari ma heve ta riva ghidi ari ara, nato riva ghidi la ara ira nona riva nogu Mama. Ianimu tuna ghe go age toraina avohi nga ia Mama ta auna ka ara, nia ta auna ara ka ia Mama, e ghua.”

Zone 12:37

Ne ghua mo rivai ghidira manei leghu hahaima va ghilaghila irahi nga ghe, tehidira ka ira noni deo ma gedi ke va hohoghona ghu ka manei.

Zone 14:10

?E deo ma go va hohoghonai ghu agho mu ta auna ara ka giliona ia Mama nia ta auna ka giliogu ini ara ia Mama, e ghua? Ira ngengene ta kaheri ara ka ghau mu eka nogu ghu taghogughi, nga ia Mama ta au ini ka giliogu ara mo mu, ne riva ghidira leghutau irahi.

Zone 15:24

Gake deo la ara ga riva ghidi ghu ira hahaima va ghilaghila ta deo heini ta boka riva ghidira, ka vari hoataidi maneri, geala e deo mamu gedi ke hotori ghu muko. Ghe maneri dike finiau mo riva ghidira ara leghutau irahi, ghe maneri edi kikipana ghinagu ngama ara nia nogu Mama, e ghua.

Zone 2:11

Zisas neke riva ghini va kenuna hahaima iahi ka ia malau fafaana Kena ka ia Babarana Galili. Aianimu neke va podolina manei ia nona varanga, dike va hohoghonai ghu ira nona mane ta nonofoi.

Zone 20:16

“!Mere!” neke ghua Zisas. Fihiki lao tuna ka manei ge kahe ghua ghu iahi neke ghua, “!Raboni!” (Iahi mu kaike ngengene Erameiki, ia ngengene ka ira Ziu fafahakanana mu “Mane Vari Va Kakahei,” e ghua.)

Zone 3:26

Maneri dike lao ghu ka Zone kahe ghuadina iahi, “Mane Vari Va Kakahei Agho, ia mane noke dufuino agho fateo mo ka ia keha pelona Ketuhu Zodani noke tuturi ghinio, ne seselebeanari molamo ira noni, di lao ghu ira leghu noni nga ka manei.”

Zone 4:31

Ghe dike dufui nga Zisas ira noni, ira mane ta nonofoi dike va ohiohini Zisas kahe ghuadira iahi, “Mane Vari Va Kakahei Agho, o hiori keha ghano o mahai ghu,” dike ghua ghini.

Zone 5:36

“Ghe tehi leghutauni mu to kusu aura aianimu ta turi ghini kavena ia mala zuka ghinagu ara, edi gigima fuludu lao ghu ka heve neke turi ghinina Zone ghinaguna ara. Iranimu lamu riva neke vanagura ia Mama neke tuhu mehauo, ta mala riva ghidira ara. Riva iranimu lamu na riva ghidira ghu ara ghatunaina. Riva iranimu ne va podolo kavei neke tuhu mehauna ara ia Mama.

Zone 6:2

Ia leghahaina varigharana noni dike ghahe leleghui manei, vununa maneri dike finiri ira hahaima va ghilaghila neke riva ghidiro manei, ka ia va vehari manei ira noni dike fogarariro.

Zone 7:31

Tehini ka ira varigharadi noni ka ia Sugana God dike age va hohoghona ka manei. “?Neto la meha la ia Mesaea, e age rivai tehi hahaima va ghilaghila mo manei fuludina mane iahi?” dike ghua.

Zone 9:16

Kehara ka ira Farisi dike kahe ghua iahi, “Mane Zisas iahi mu, e deo ge sipa mehana ghu ka God, vununa manei ne riva ka ia Ravata Mala Maghoso.” Keharani tuna gedi ke kahe ghua ghu iahi dike ghua, “?Heve e ghua ira ta auri sasake ghe, gedi boka riva ghidi nga hahaima va ghilaghila ta ghuara irahi?” Age au tuna ia vari fotai ka ira ngangana vari hoataidi maneri, dike ghua.

Ira Riva 10:38

Ghau to avohi haroma Zisas ia tanina Nazareti neke va foudio God ka ia Tarunga Ta Maduana nia mana. Ghau no avohi mo heve neke ghua Zisas ghaherira leghu pelodi nga, riva ghidira ira leghutau ta veha nia va veharira ira leghu noni dike auro nga ka pekana ia mana ia Faghinadi ira nazahi e ghua, vununa God neke au taremehana manei.

Ira Riva 2:22

“!Ghau noni Isiraeli, o nonomoho meha ka iahi! God neto ke va podoli neke va meha vanamuna Zisas na Nazareti ka ira hahaima nia ira ghila ta namanama neke riva ghidiro manei ka ia mana neke vananio God mala riva ghidira manei. Ghau mu o avohi haroma ghu iahi taghomu.

Filipae 1:14

Vununa ghini au pipiliga iahi ka ara, neto ke age vanadi gigima laoni ghu ka ia Lod tehidira ka ira noni ta va hohoghona, mala torai age naduna nia ta deona gedi maughedi ghu e ghua tuturi ghinina ia saorona God.