Zone 2:2 - Ia Foforuna Naiungene

² Zisas nia ira nona mane nonomoho e ghua, dike fangari haro molamo ta mala la holarana ka varihio ianimu.

Zone 2:2 Iomraidhean Croise

Matiu 12:19

Manei e deo ge age vari tuufuai ghu, ba kudo kai ghu; manei e deo ge age turi va varavaranga ghu ka ira hangana leghaha peghuru.

Matiu 25:40

“Ia Mane Ginitaukela e age ghua iahi ghatu ungene tughurina, ‘!A toraina va kahe ghini ghau ghu ka ia hohoghona, heve leghutau tei noto ke riva ghini la ghau ka kaike ghu ka ira noni taka suri tongovodi ghu, ghau noke riva ghini ianimu vanagu ara!’

Matiu 25:45

“Manei e age ghua iahi ungene tughurina, ‘A va kahe ghini ghau ghu ka ia hohoghona, noto ke deo la go toka ghidi ghu ghau heiri ira noni taka suri tongovodi ghu, ghau e deo goke toka ghinagu ghu ara.’

Zone 2:12

Leghuna la holara ka ia varihio, manei neke hinae lao ka ia malau fafaana Kapaniumu taremehana nona uke nia ira tahina mane nia ira nona mane ta nonofoi e ghua, dike la au ghu aianimu keha ravata terira.

Zone 2:17

Ira nona mane ta nonofoi dike age ngana fata laoi heve neke ghua ghe neke riva ghini nga manei iahi, ka ia fafata ngana laori maneri ira Kakangava Ta Maduana ta kahe ghua iahi, “Ia namaha ka ara ta vanani ia nou suga e burungu taghe kaike totoi ka giliogu ini ara,” ia ta ghua.

Zone 2:22

Ka leghuna ia tetu leghu manei ghe, dike ngana leghui nga ira nona mane ta nonofoi heve neke to va kahe ghidiro manei. Age va hohoghonari tuna ira Kakangava Ta Maduana nia ira heve neke to kaherio Zisas, dike ghua.

Zone 2:3

E deo ngama ge nogha ghu ia mahai varighara, to age nogha ghu ia waeni. Kahe ghua tuna iahi ka Zisas neke ghua nona uke, “Maneri dito noghari waeni,” neke ghua ghini.

Zone 3:22

Leghuna ianimu, Zisas nia ira nona mane ta nonofoi dike kave aianihi Zerusalemu dike lao ghu ka ira keha malau teri ka ia Babarana Zudia. Maneri dike auna aianimu keha ravatara, dike seselebeanari ghu keha nonira aianimu.

Zone 4:2

Ghe Zisas taghona deo geke seselebeanari ghu maneri, nga ira nona mane ta nonofoi mo dike riva ghinina ianimu.

Zone 4:33

“Hei mo neke hio vanani meha ghanona manei?” dike ghua ira mane ta nonofoi vari nonotohodira.

Zone 6:12

Ka ia tato age hoviri haroharo maneri, Zisas neke kahe ghua iahi ka ira nona mane ta nonofoi, “Varighara ghidi ghano kunudi nira, e deo ghu heve ta pepesanana” neke ghua ghidi.

Zone 6:16

Ka saighona ianimu ira nona mane ta nonofoi dike hinae lao peka ka gheremena ia loka.

Zone 6:60

Di nomohi ghu iahi ira tehi nona noni ta nonofoi, dike kahe ghua iahi, “Iahi mu toraina marutana va fafahakina. ?Hei mu ta boka leghuina?” dike ghua.

Zone 6:66

Leghuna kahei Zisas iahi, tehini ka ira noni ta nonofoi dike ghahe kaini manei, dike deo ghu va nunumaina.

Zone 6:67

Ianimu tuna ghe neke fihiki lao nga ka ira tazoi palu nona mane ta nonofoi, neke notohori ghu, “?Heve, ghau no kabai ghahe kaiau haroma ara?” neke ghua ghidi.

Zone 6:70

Kahe ghua tuna iahi neke ghua Zisas, “Ara lamu nake faete ghauna ghau tazoi palu mane, ghe kaike ghu ka ghau mu kaike Faghinadi ira nazahi.”

Zone 6:71

Manei mu neke turi ghini Zudasi ia tuunamane Saemoni Isikarioti, kaike ghu ka ira tazoi palu mane ta nonofoi ia neke mala age namaha seboio manei.

Zone 6:8

Ianimu tuna ghe neke ngengene lao nga ka Zisas kaike ghu ka ira nona mane ta nonofoi, Aduru ia tahina mane Saemoni Pita,

Zone 7:3

dike kahe ghini ghu Zisas ira tahina mane ta laona manei aianihi ka ia Babarana Zudia ka ia mahai varighara va manemane. “!O lao ka ia ta boka fini tau ira nou mane ta nonofoigho nou hahaima nira!” dike ghua ghini.

Ira Riva 11:26

Ne la dufui ghu, manei neke hio leghu laoi aianihi Anitioko. Kaike komuhu kamotona maneri palu dike vari dudufu taremehadi ira noni ta va hohoghona nia va kakahe ghidi tehi nonini, dike ghua. Aianihi Anitioko lamu dike kusu va kudo ghidi noni kiloaura mu, ira ta va hohoghona.

Ira Riva 11:29

Ira noni ta va hohoghona aianihi Anitioko, dike nonogele ghini ta mala varighara ghidira ira sopai nodi toka ta leghuri ira boka ka maneri, ta mala vanadi laora ghu ira taremehadi noni ta leghui Zisas aianihi Zudia.

1 Koriniti 10:31

Geta mahai ghu, ba ketuhu ghu ghau, ba heve leghutau ta ghuana ta riva ghinina ghau ghe, o riva ghidi haroharo malana ia varanga ka God.

1 Koriniti 7:39

Ia ghaseboro mu, e parekete fuludai taremehana keranau taghe ka ia doli ta au ghu manei. Nga neto leme la ia keranau, ghe ge kalasa nga take varihiona ka hei mane ta kabai ghinina manei, ghe mane ianimu e toraina nona ia Lod.

Kolosi 3:17

Ka ira heve ta riva ghidi, ba kaheri ghau mu, geala o riva ghidi ghu ka ia ghaghahena ta va podoli ghau mu no riva vanani ia Lod Zisas, ta ghuana. O kudo vehai tudu ma ghu God ia noda Mama. Ghau o boka namo lao mo ka manei, vununa Zisas neto ke riva ghini ta mala bokaina mo ghau.

Hiburu 13:4

O heluhelu ghini ia au varihio, nia o au hohoghou taremehana kerauau e ghua ka giliona ia varihio. God e toraina age fateri ghatu ira noni ta zave lao meha, nia ira noni ta pedo, e ghua.

Podolo Kave 3:20

“!Fini! Ara na tetu ka ia makatana na ketaketa ghu; hei neto nomohi la leoguini neto tobehi ghu ia makatana, ara a haghele lao a la mahai varighara taremehana ghu nia manei ge mahai taremehagu ghu ara, e ghua.