Zone 2:16 - Ia Foforuna Naiungene

¹⁶ Ianimu tuna ghe neke va kahe ghidi nga manei ira noni dike tatabarai babahulu boraro, “!Hio kaveri aiahi leghutau irahi! Nodo taghe malau mala makete ta ghua ghinina nona suga ini nogu Mama,” neke ghua ghidi.

Zone 2:16 Iomraidhean Croise

Matiu 21:13

Va kahe ghidi tuna neke ghua Zisas, “God neke kahe ghua iahi ka ira Kakangava Ta Maduana, ‘!Ia nogu Suga mu, e age va kudo ghini kaike suga mala tarai.’ Ghe ghau noto fihikini ka malau mala poika ira ta sisiko!” neke la ghua.

Maki 11:17

Ianimu tuna ghe neke va kakahe ghidi nga manei kahe ghuana iahi, “Ira Kakangava Ta Maduana ne kaheina, ‘Ia Sugagu ara mu, e mala va kudo ghini malau mala tarai ka ira sare soloso haroharo,’ ghe ghau noto fihikini ka malau mala poika ira noni ta sisiko.”

Luku 2:49

“?Mala heve ghe no haduau nga?” neke ghua notohorira Zisas. “Geala ghau palu to kusu avohi ma ta mala auna ara ka giliona ia sugana nogu Mama.”

2 Pita 2:3

Vununa ira ta vari va kakahei sesebo di luluto, edi age va kahe ghini ghau ghu ira turi sebo ta va vuha vonari maneri, mala sebo ghauna ka ira nomu leghutau ta taghori ghau. Sepao God neke nai ngangana ta mala va kilasarira ka ira sasakedi. Maneri edi age toraina hioi ghu ia muko ta la meha.

Zone 5:17

Ghe Zisas neke ungene tughuri, “Nogu Mama e deo ge nodo ghu rivana, e deo ghu molamo ara ga nodo ghu rivana,” neke ghua ghidi.

1 Timoti 6:5

Noni irahi mu edi va vuvuha muko tudu ma. Ira nganganadi edi sota edika kahei la ghu ia hohoghona. Ka maneri mu, kiloau ini mu e mala hagete taghotagho ma, edi ghua.

Zone 20:17

“!Oka posiau ghu go au ghu!” neke ghua Zisas, “vununa ara e deo nga gake vona leghu lao ghu ka ia Mama. !Nga o lao ka ira nogu mane ta nonofoau, o la va kahe ghidi ghu, ta leghu lao ini ara ka manei ia nogu Mama ara nia nomu Mama ghau, ia nogu God ara nia nomu God ghau e ghua!”

Zone 10:29

Vununa nogu Mama neto ke vanagu ara maneri, e varanga fuluduri ghu manei vahina va vuha nga, e deo ghu hei ta boka hio kaverira ka ira kamena nogu Mama.

Zone 8:49

“Ara e deo ge sukuau ghu nazahi,” neke ghua Zisas, “Ara mu a heluhelu ghini nogu Mama, nga ghau mu no ngovala va mukoau ara, deona go heluhelu ghinagu ghu ara.

Matiu 21:12

Zisas neke haghele ka ia Sugana God, neke la bozo kaveri haroharo ghu ira dike maketero nia dike tatabararo aianimu. Manei neke la va koputuri ira tevo ka ira ta hoholara rongo nia ira nonohe ka ira ta tatabarai babahulu bora, e ghua.

Matiu 22:5

“Ghe ira noni neke fanga laoriro manei, e deo gedi ke va ghunaghuna ghu, dike riva ghidi ma ghu ira nodi riva taghodighi. Kehara mu dike lao ka ira nodi nunuma, kehara tuna dike lao ka ira nodi sitoa, dike ghua.

Zone 2:15

Zisas neke riva ghini kaike naroho mala vari ruza, ghe neke bozo kai kaveri nga ira leghu noni nga ka ia galahena ia Sugana God taremehadira ira sipisipi nia bulumakau, e ghua. Manei neke va koputuri ira tevo, neke ikasa kairi ghu ira rongo kunegeledi ka ira noni dike hoholara rongo dike auro ghu.