Zone 2:11 - Ia Foforuna Naiungene

¹¹ Zisas neke riva ghini va kenuna hahaima iahi ka ia malau fafaana Kena ka ia Babarana Galili. Aianimu neke va podolina manei ia nona varanga, dike va hohoghonai ghu ira nona mane ta nonofoi.

Zone 2:11 Iomraidhean Croise

Zone 1:14

Ia Saoro mu neke meha noni neke meha au ghu aiahi ka malau iahi peka vari hoataida ghita. Ghai nato ke finini ia nona varanga, ia varanga ka ia tuuna kaikena neke sipa mehao ka ia Mama, foudina ia varisute ta vanada kakato nia hohoghona.

Zone 1:17

Ia sesepana va beana ka ia vetula God mu neke la meha ka ghita ka Mosese, nga ia foforuna va beana ka ia hohoghona nia ia varisute ta va meha kakatoi e ghua mu, neke la meha ka ghita ka Zisas Kraes.

Zone 1:43

Ia keha ravata Zisas neke nai hihingona ta mala laona ka ia Babarana Galili. Manei neke la dufui Filipi neke la kahe ghini ghu, “O meha leghuau,” neke ghua ghini.

Zone 1:50

Kahe ghua tuna iahi neke ghua Zisas, “?Ta va hohoghona ini agho mu heve, vununa ara nake kahei, ta finighona ara ka ia pekana heke figi? Agho o age finiri ghatu ira leghutau ta fefereana fuludu laoini ianimu.”

Zone 10:41

Tehi nonini dike la mehara ka manei dike kahe ghua ghu iahi, “Zone mu, deo ma geke rivai hahaima va ghilaghila ghu, ghe ira leghu neke kaheriro nga manei ghinina Zisas mu di hohoghodi,” dike ghua.

Zone 11:15

ghe ara na va manemane ghini deona gake au ghu aianimu ka ia fafata lemena manei, vununa heve ta age fininina ghau ghatu mu, e age toka ghini ghau ghatu ta va hohoghonana ka ara. Aria da age dorini ghu manei.”

Zone 11:47

Ianimu tuna ghe dike kudoi nga kaike haedu ira hiama ta kenu nia ira Farisi e ghua taremehadina ia Nonohe Faghina Kamoto ka ira Ziu kahe ghuadina iahi, “?Heve mo ta age riva ghinina ghita? To puina tehi hahaima va ghilaghila neto riva ghidira mane iahi.

Zone 12:18

Tehi noni dike kave lao mala la dufuina Zisas, vununa maneri dike to nomohi neke riva ghinina manei leghahai hahaima va ghilaghila iahi.

Zone 12:37

Ne ghua mo rivai ghidira manei leghu hahaima va ghilaghila irahi nga ghe, tehidira ka ira noni deo ma gedi ke va hohoghona ghu ka manei.

Zone 12:41

Aesaea neke kahei iahi vununa manei neke finini ia varanga ka Zisas neke tuturi ghini ghu.

Zone 14:13

Heve tei ta fangaina ghu ghau ka ia Mama mu, ara a age riva vanamu ghatu, vununa ghau mu nogu noni ta nonofoau ara, mala ia varanga ka ia Mama e age podolo ghu ka ia Tuuna.

Zone 16:27

vununa taghonai ia Mama ne puina namaha ghini ghau fuludu. Manei ne namaha ghini ghau vununa ghau no namaha ghinagu ara, noto ke va hohoghonai ghu nake sipa meha harona ara ka God.

Zone 16:30

Ghatunaina ghai nato avohi ghu, ta avohorira agho vahina leghutau nga. Geta deo nga heve leghutau ta notohina hei noni ghe, agho to kusu avohi heve ne nganaina manei. Ne ghua mamu ghe, na va hohoghonai nga ghai mu, agho noke sipa mehau mamu ka God, ta ghuana.”

Zone 2:1

Palu ravata leghuna kudori Zisas Filipi ghe Nafaneli, kaike varihio neke auna ka ia malau fafaana Kena aianihi Galili. Ia nona uke Zisas neke holara haroma ka varihio ianimu.

Zone 2:23

Ka ia fafata auna Zisas aianihi Zerusalemu ka ia mahai varighara va manemanena ia Ghahe Fuludu, tehi noni dike finiri ira hahaima va ghilaghila neke riva ghidiro manei, dike age va hohoghona ghu ka manei.

Zone 3:2

Kaike redu manei neke meha ka Zisas neke kahe ghua ghu iahi, “Mane Vari Va Kakahei Agho, ghai na avohigho agho neke tuhu mehaighona God mala va kakahe ghini ghaina, vununa e deo hei ta boka riva ghidira ira hahaima va ghilaghila ta riva ghidi agho, neto deo la God ge au taremehana ghu manei.”

Zone 4:3

Ne nomohi ghu Zisas heve dike va kahe ghinina taghona maneri, manei neke ghahe kaini ia Babarana Zudia neke leghu lao ghu ka ia Babarana Galili.

Zone 4:46

Ianimu tuna ghe neke leghu lao nga Zisas ka ia malau fafaana Kena ka ia Babarana Galili, ka neke fihikinio manei ia kolo ketuhu ka waeni. Ka ia malau leghaha Kapaniumu, kaike manefaa ta riva ka ia gaumani neke fogario ia tuunamane, neke auna.

Zone 4:54

Zisas neke riva ghini hahaima va ghilaghila iahi leghuna ghahe kaini Zudia ta ke leghu lao ghu Galili. Taremehadi laora ira keha hahaima va ghilaghila neke riva ghidiro manei aianihi Zudia mu, iahi lamu ghu mu va paluna hahaima neke riva ghinina manei ani Galili.

Zone 5:23

Ne riva ghini nga ianimu ia Mama mu, vununa manei ne kabai ghidi ira noni ta heluhelu ghinaguna ara ia Tuuna, taghe ta heluhelu ghini ani la maneri taghonai. Hei ia ta deo ge heluhelu ghinagu ghu ara ia Tuuna mu, manei e deo ge heluhelu ghini ghu ia Mama neke tuhu mehauo ara.

Zone 6:14

Di finini ghu ira noni hahaima va ghilaghila neke riva ghini iahi Zisas, maneri dike tatanigai kahe ghua iahi, “!Torai iahi lamu ghu mu ia Porofeti, ia ta mala meha ka malau iahi peka!” dike ghua.

Zone 6:2

Ia leghahaina varigharana noni dike ghahe leleghui manei, vununa maneri dike finiri ira hahaima va ghilaghila neke riva ghidiro manei, ka ia va vehari manei ira noni dike fogarariro.

Zone 6:26

Zisas neke ungene tughuri, “A va kahe ghini ghau ghu ka ia hohoghona, no haduau nga ara ghau mu, vununa ghau noke mahaini ia bereti, neke age hovi ghau haro ghu, nga noke va fafahakari ira hahaima nake riva ghidiro ara, eka ghua ghu.

Zone 6:30

Ke notohi tuna dike ghua ira noni, “?Heve mu hahaima va ghilaghila ta riva ghinina agho mala va hohoghonaighona ghai neke tuhu mehaigho mamu God, ta ghuana? ?Heve ta age riva ghinina agho ghatu?” dike ghua ghini.

Zone 7:31

Tehini ka ira varigharadi noni ka ia Sugana God dike age va hohoghona ka manei. “?Neto la meha la ia Mesaea, e age rivai tehi hahaima va ghilaghila mo manei fuludina mane iahi?” dike ghua.

Zone 9:16

Kehara ka ira Farisi dike kahe ghua iahi, “Mane Zisas iahi mu, e deo ge sipa mehana ghu ka God, vununa manei ne riva ka ia Ravata Mala Maghoso.” Keharani tuna gedi ke kahe ghua ghu iahi dike ghua, “?Heve e ghua ira ta auri sasake ghe, gedi boka riva ghidi nga hahaima va ghilaghila ta ghuara irahi?” Age au tuna ia vari fotai ka ira ngangana vari hoataidi maneri, dike ghua.

2 Koriniti 3:18

Ghita haroharo ta va hohoghona mu, to hio kaini totoufu ianimu ka ira hihilida ghita, da va podoli ghu ia pelarana varanga ka ia Lod. Nia ka ia riva ia Tarungana ia Lod ka gilioda ghita, dato meha taghe manei dato ghua laoni ghu ghita va podolo va veha laoinani ia varanga ta pelara ka manei.

2 Koriniti 4:17

Vununa mamarutana irahi ka ghai ghatunaina mu edi nodi rekahadi ma, nia e deo gedi age au soduai fuludu ghu, e ghua. Geta ghua mo ianimu ghe, mamarutana iranimu edi age vanamai ia varanga ta age au toghunai.

2 Koriniti 4:6

Ka ia va vuhai malau iahi peka God, manei neke kahei, “Va pelara kavei ia fegala ka giliona ia nagoromo,” neke ghua. Nia ghatunaina God ne va rivai ia nona fegala ta mala pelara haghelena ka ira hihingoda ghita, e mala vanada ghu ia avoavohona ia pelarana varanga ka God ia ta finini ghita ka ia hihilina Zisas Kraes.

1 Zone 5:13

Ara mu na kangava agei iahi ka ghau ira ta va hohoghona ka ia babaolona ia Tuuna God, o mala avohi ghu ghau ta kuru ghauna doli soduai.